لاہور ( ڈیلی پاکستان آن لائن )پاکستان مسلم لیگ (ن) کے صدر محمد نوازشریف نے پرنس کریم آغاخان کے انتقال پر گہرے دکھ اور افسوس کااظہار کیاہے-محمد نوازشریف نے اپنے بیان میں کہاہے کہ پرنس کریم آغاخان بین الاقوامی شناخت کی حامل ایک محترم شخصیت تھے۔ پرنس کریم آغاخان پاکستان کے دوستوں اور محبت کرنے والے افراد میں نمایاں تھے، ان کی وفات ہم سب کا ذاتی نقصان ہے۔تعلیم کے فروغ، صحت کی سہولتوں اور ثقافت کے فروغ کے لیے پرنس کریم آغا خان نے گراں قدر کام کیا۔
محمد نواز شریف نے کہا کہ پرنس کریم آغاخان کی دنیا میں امن اور پاکستان میں سماجی ترقی کے لئے خدمات کو ہمیشہ یاد رکھا جائے گا۔ پرنس کریم آغاخان کی وفات پر ان کے اہل خانہ اور اسماعیلی کمیونٹی کے غم میں برابر کے شریک ہیں -