کوئٹہ: 90 افراد کا پولیو سے بچاؤ کے قطرے پلانے سے انکار، 5 افراد گرفتار
کوئٹہ(ڈیلی پاکستان آن لائن )بلوچستان کے شہر کوئٹہ میں متعدد شہریوں نے پولیو سے بچاؤ کے قطرے پلانے سے انکار کردیا۔
نجی ٹی وی" جیونیوز" کے مطابق کوئٹہ میں 90 افراد نے پولیو سے بچاؤ کے قطرے پلانے سے انکار کیا جن کے خلاف کارروائی کرتے ہوئے 5 افرادگرفتار کرلیے گئے۔
ڈپٹی کمشنر کوئٹہ کے مطابق 60 انکاری والدین کو آمادہ کرکے بچوں کوپولیو سے بچاؤ کے قطرے پلوادئیے گئے ہیں۔
ڈپٹی کمشنر کوئٹہ نے مزید بتایا کہ پولیو سے بچاؤ کے قطرے نہ پلانے والوں کو گرفتار کرکے جیل بھجوایا جائے گا۔
