’ آج کے بعد ینگ ڈاکٹرز یہ کام نہیں کریں گے ‘ چیف جسٹس نے ایسی پابندی عائد کردی کہ بیماروں کے ہاتھ فوری طور پر دعا کیلئے اٹھ جائیں گے

’ آج کے بعد ینگ ڈاکٹرز یہ کام نہیں کریں گے ‘ چیف جسٹس نے ایسی پابندی عائد ...
’ آج کے بعد ینگ ڈاکٹرز یہ کام نہیں کریں گے ‘ چیف جسٹس نے ایسی پابندی عائد کردی کہ بیماروں کے ہاتھ فوری طور پر دعا کیلئے اٹھ جائیں گے

  

لاہور (ڈیلی پاکستان آن لائن) چیف جسٹس آف پاکستان جسٹس میاں ثاقب نظار نے ینگ ڈاکٹرز ایسوسی ایشن کی ہڑتال پر پابندی لگادی۔

سپریم کورٹ لاہور رجسٹری میں سرکاری ہسپتالوں کی حالت زار سے متعلق از خود نوٹس کیس کی سماعت کے دوان چیف جسٹس نے ینگ ڈاکٹرز کی ہڑتال پر پابندی عائد کردی۔ چیف جسٹس نے حکم دیا کہ ینگ ڈاکٹر اب ہڑتال نہیں کریں گے ، ڈاکٹرز کو کوئی مسئلہ ہے تو عدالت سے رجوع کریں۔

دوران سماعت چیف جسٹس نے سرکاری ہسپتالوں کے ڈاکٹرز کے پرائیویٹ کلینک چلانے کے معاملے پر بھی برہمی کا اظہار کیا اور کہا کہ وہ سرکاری ڈاکٹرز کے پرائیویٹ کلینک بند کرائیں گے۔

واضح رہے کہ پنجاب بالخصوص لاہور اور فیصل آباد میں ینگ ڈاکٹرز کی جانب سے بار بار کی ہڑتال کو معمول بنالیا گیا ہے جس کی وجہ سے مریضوں کو شدید مشکلات کا سامنا کرنا پڑتا ہے، مریضوں اور ان کے لواحقین کو اس وقت شدید اذیت سے گزرنا پڑتا ہے جب یہ ہڑتالیں کئی کئی روز طویل ہوجاتی ہیں۔

مزید : قومی /علاقائی /پنجاب /لاہور