حافظ آباد (آئی این پی ) آتشزدگی کے باعث گھر کی چھت گر گئی جس کے نتیجے میں چار افراد جاں بحق ہوگئے۔
ریسکیو حکام کے مطابق حافظ آباد کے علاقے رامکے چٹھہ میں جانوروں کو سردی سے بچانے کیلئے آگ جلا رکھی تھی، جانوروں کیلئے لگائی گئی آگ سے مکان کی چھت گر گئی جس کے نتیجے میں چار افراد زخمی بھی ہوئے ہیں، جاں بحق ہونے والوں میں 40 سالہ آصف، 35 سالہ شازیہ، 14 سالہ ایمان فاطمہ اور 5 سالہ زلیخہ شامل ہیں۔ ریسکیو حکام کے مطابق امدادی ٹیموں نے نعشوں اور زخمیوں کو ملبے سے نکالا، زخمیوں کو ٹراما سینٹر منتقل کر دیا گیا ہے جہاں دو افراد کی حالت تشویشناک بتائی جا رہی ہے۔