,آئی ایس آئی ایس کے سربراہ کا پہلا ویڈیو پیغام سامنے آگیا،مسلمانوں سے اطاعت کی اپیل

,آئی ایس آئی ایس کے سربراہ کا پہلا ویڈیو پیغام سامنے آگیا،مسلمانوں سے اطاعت ...

  

موصل (مانیٹرنگ ڈیسک) عراق اور شام میں سرگرم شدت پسند گروپ آئی ایس آئی ایس (داعش )کے سربراہ ابوبکرالبغدادی کا پہلا ویڈیو پیغام سامنے آگیا جس میں انہوں نے تمام مسلمانوں سے اپنی اطاعت کی اپیل کی ہے۔غیر ملکی خبر رساں ایجنسی کے مطابق البغدادی کی یہ ویڈیو النوری مسجد میں جمعے کے خطبے دوران فلمائی گئی ہے،ویڈیو میں البغدادی نے اسلامی ریاست کے قیام کو سراہتے ہوئے کہا کہ مسلمانوں کا یہ مذہبی فریضہ ہے کہ وہ اپنا رہنما مقرر کریں لیکن اس بات کو عرصہ دراز سے نظر انداز کیا جا رہا ہے۔انھوں نے کہا کہ انہیں خلیفہ بننے کی کوئی خواہش نہیں اور یہ ذمہ داری ان کے لئے بوجھ ہے ، ان کا کہنا تھا کہ ”میں تمہارا رہنما ہوں گو کہ میں تم سے سب سے اہل نہیں ہوں “۔اگر تم دیکھو کہ میں ٹھیک ہوں تو میری حمایت کرو اور اگر میں غلط ہوں تو میری رہنمائی کرو۔ابوبکر البغدادی عام طور پر آڈیو پیغام کا سہارا لیتے ہیں اور یہ پہلی بار ہے کہ انہوں نے ویڈیو پیغام جاری کیا ہے۔واضح رہے کہ یہ ویڈیو پیغام اس وقت سامنے آیا ہے جب یہ اطلاعات گردش کر رہی ہیں کہ داعش (آئی ایس آئی ایس )کے رہنماعراق کے فضائی حملوں میں یاتو ہلاک ہو چکے ہیں یا شدید زخمی ہوچکے ہیں۔کہا جا رہا ہے کہ یہ ویڈیو پیغام اصل میں ابوبکر البغدادی کے ہلاک یا زخمی ہونے کی خبروں کی تردید کے لئے جاری کیا گیا ہے۔داعش (آئی ایس آئی ایس )نے گذشتہ اتوار کو شام اور عراق میں اپنے کنٹرول والے علاقوں میں ایک اسلامی مملکت یا خلافت اسلامیہ قائم کرنے کا اعلان کیا تھا۔اس سے پہلے 2 جولائی کو ابوبکر البغدای نے ایک آڈیو پیغام میں دنیا بھر کے مسلمانوں سے عراق اور شام ہجرت کر کے اسلامی ریاست کی تعمیر و تشکیل میں تعاون کی اپیل کی تھی جس کے بعد وزیراعظم نوری المالکی نے خبردار کیا ہے کہ داعش کی طرف سے’خلافت‘ کے قیام کا اعلان پورے خطے کے لیے خطرہ ہے۔گذشتہ کچھ عرصے کے دوران آئی ایس آئی ایس کے جنگجو?ں نے عراقی فوج سے ایک بہت بڑا علاقہ اپنے قبضے میں لے لیا ہے اور کئی شہروں کے لیے جنگ جاری ہے۔اقوام متحدہ کا کہنا ہے کہ عراق میں جاری ’تشدد اور انتہا پسندی‘ میں جون میں 2417 عراقی مارے گئے ہیں، اس میں سے 1531 عام شہری ہیں۔

مزید :

صفحہ اول -