’’سنجو‘‘ 5 دنوں میں ریس 3 سے زیادہ کمانے میں کامیاب

’’سنجو‘‘ 5 دنوں میں ریس 3 سے زیادہ کمانے میں کامیاب

  

ممبئی (آن لائن)رنبیر کپور کی فلم 'سنجو' نے محض 5 دن میں ہی اتنا بزنس کرلیا ہے،جتنا سلمان خان کی فلم 'ریس تھری' 19 دن میں بھی نہیں کرسکی،درحقیقت بزنس کے لحاظ سے اس نے اتنے دنوں میں باکس آفس پر سب سے زیادہ کمانے والی بولی وڈ فلم دنگل وک بھی پیچھے چھوڑ دیا ہے۔بھارتی نشریاتی ادارے کے مطابق سنجے دت کی زندگی پر بننے والی فلم 'سنجو' نے گزشتہ روز 22.10 کروڑ بھارتی روپے کما کر 5 دن میں اپنا بزنس 167.51 کروڑ بھارتی روپے تک پہنچا دیا ہے۔دوسری جانب ریس 3 اب تک 164.71 کروڑ بھارتی کروڑ روپے کمائے ہیں جبکہ باغی 2 کا مجموعی بزنس 164.38 کروڑ بھارتی روپے رہا۔رواں سال کی فلموں میں پدما وت فی الحال سنجو سے آگے ہے جس نے باکس آفس پر 302.15 کروڑ بھارتی روپے کمائے تھے، مگر اس فلم نے بھی 5 دن میں 129 کروڑ بھارتی روپے کا ہی بزنس کیا تھا، جبکہ دنگل اتنے دنوں میں 155.35 کروڑ روپے کماسکی تھی۔’سنجو‘ سے قبل ایک ہی دن میں سب سے زیادہ پیسے کمانے کا ریکارڈ ’باہو بلی 2‘ کے پاس تھا،جس نے ریلیز کے تیسرے دن 46 کروڑ 50 لاکھ روپے بٹورے تھے،تاہم ’سنجو‘ نے اس کا ریکارڈ توڑ کر نیا اعزاز اپنے نام کرلیا۔اگر باکس آفس پر اس فلم کو جادو کو دیکھا جائے تو یہ اگلے 2 دن میں 200 کروڑ بھارتی روپے سے زائد کمانے میں کامیاب ہوسکتی ہے اور رنبیر کپور کی یہ پہلی فلم ہوگی جو اس سنگ میل کو عبور کرے گی۔توقع کی جارہی ہے کہ یہ فلم 300 کروڑ بھارتی روپے سے آگے جائیگی مگر سوال یہ کہ کیا وہ فلم کے ڈائریکٹر راجکمار ہیرانی کی سب سے زیادہ بزنس کرنے والی فلم'پی کے' کو پیچھے چھوڑ سکے گی؟۔

اسی طرح اب تک سب سے زیادہ کمانے والی بولی وڈ فلم دنگل کو بھی پچھاڑنے میں کامیاب ہوسکے گی۔واضح رہے کہ باہو بلی ہندی زبان کی فلم نہیں،جس کے امکانات کافی زیادہ ہیں۔’سنجو‘ کو گزشتہ ماہ 29 جون کو بھارت اور پاکستان سمیت دنیا بھر میں ریلیز کیا گیا، فلم نے پاکستانی باکس آفس پر بھی اچھی کمائی کی۔ڈائریکٹر راج کمار ہیرانی کی فلم میں رنبیر کپور کے علاوہ دیا مرزا، منیشا کوئرالہ، پریش راول، سونم کپور، وکی کوشل اور انوشکا شرما سمیت دیگر اداکاروں نے جوہر دکھائے ہیں۔

مزید :

کلچر -