فیصلہ ر وک لیا جاتا تو ملک کے لئے بہتر ہوتا :شاہدخاقان عباسی

اسلام آباد (ڈیلی پاکستان آن لائن)سابق وزیر اعظم شاہد خاقان عباسی نے کہا ہے کہ فیصلہ روک لیا جاتا تو ملک کے لئے بہتر ہوتا ، ایون فیلڈ فیصلے پر مسلم لیگ ن کے کارکن 25جولائی کو فیصلہ دیں گے ۔ نواز شریف کسی سے ڈرنے والے نہیں ہم نے یہ سب پہلے بھی بھگتا ہوا ہے ۔

دنیا نیوزکے پروگرام ”ٹو نائٹ ودھ معید پیرزادہ“ میں گفتگو کرتے ہوئے شاہد خاقان عباسی نے کہا ہے کہ مسلم لیگ ن کے کارکن اور پارٹی ر ہنما اس لئے عدالت نہیں آئے کے پارٹی کی جانب سے ایسی کوئی کال نہیں دی گئی تھی ۔ انہوں نے کہا مسلم لیگ ن کا کارکن اس فیصلے پر 25جولائی کو فیصلہ دے گا ۔ نواز شریف کسی سے ڈرنے والے نہیں ہے اور وہ اپنی اہلیہ کی طبیعت درست ہوتے ہی وطن واپس آجائیں گے ۔ ہم نے یہ سب کچھ پہلے ہی بھگتا ہوا ہے ۔ ہم عدالتی عمل کی پیروی کریں گے لیکن اگر یہ فیصلہ روک لیا جاتا تو پاکستان کے لئے بہت زیادہ بہتر ہوتا ۔