سیاحت کے فروغ کیلئے 10سالہ پالیسی مرتب، 6بلین ڈالر کی سرمایہ کاری ہو گی: زلفی بخاری

  سیاحت کے فروغ کیلئے 10سالہ پالیسی مرتب، 6بلین ڈالر کی سرمایہ کاری ہو گی: ...

  

اسلام آباد (آئی این پی) وزیراعظم کے معاون خصوصی برائے سمندر پار پاکستانی سید زلفی بخاری نے کہا ہے کہ سیاحت کے فروغ کیلئے 10 سالہ پالیسی مرتب کر لی گئی ہے، کورونا کے خاتمے کے ساتھ ہی پورے پروگرا م کا اجرا کر دیں گے،دنیا بھر میں پاکستان کے سیاحتی مقامات کو اجاگر کریں گے۔ اسلام آباد میں نیوز کانفرنس کرتے ہوئے زلفی بخاری نے کہا کہ پاکستان ٹوورازم ڈویلپمنٹ کارپوریشن (پی ٹی ڈی سی) بند نہیں ہوا بلکہ فائدہ مند ادارہ بننے جا رہا ہے۔ اس ادارے نے لاکھوں نوکریاں پیدا کرنی ہیں، ہمیں مشکل فیصلے کرنا ہوں گے۔ سیاحت کے فروغ کیلئے 10 سالہ پالیسی مرتب کر لی گئی ہے۔ دنیا بھر میں پاکستان کے سیاحتی مقامات کو اجاگر کریں گے۔ سیاحت سے متعلق دیگر ممالک کی طرح پاکستان کا برانڈ بنا دیا ہے، تاہم کورونا کے باعث سیاحت کی پالیسی کو لانچ کرنے میں تاخیر ہوئی۔ انہوں نے کہا کہ برانڈ پاکستان کے نام سے پروگرام اسی سال شروع کریں گے۔ ایران اور ترکی سمیت 8 ممالک کے سیاحت کے وزرا پاکستان آئیں گے۔ پاکستان 2021ء میں ورلڈ ٹورازم فورم کی میزبانی کرے گا۔ اگلے سال یہ فورم 6 بلین ڈالر کی سرمایہ کاری لا رہا ہے۔ زلفی بخاری نے کہا کہ ہم نے کیا ضد کی ہوئی ہے کہ اداروں کو خسارے میں چلائیں؟ ہم روز ویلٹ ہوٹل کو خسارے سے چلا رہے ہیں۔ حکومت اس ہوٹل کو منافع پر چلا کر اس سے پیسہ کمانا چاہتی ہے۔

زلفی بخاری

مزید :

صفحہ آخر -