کویت کی تاریخ میں پہلی مرتبہ 8 خواتین جج بن گئیں

کویت کی تاریخ میں پہلی مرتبہ 8 خواتین جج بن گئیں

  

کویت سٹی(آئی این پی)کویت کی تاریخ میں پہلی مرتبہ 8 خواتین جج بن گئیں، کویتی پارلیمنٹ کے سپیکر مرزوق علی الغانم نے کہا کہ فیصلے کی بدولت کویتی خواتین ترقی کے عمل میں مزید آگے بڑھیں گی۔ عرب میڈیا کے مطابق کویت کے پبلک پراسیکیوٹر ضرار العسعوسی نے 8 خواتین کو پراسیکیوشن سے ترقی دے کر جج کے منصب پر فائز کیا ہے۔ کویت خلیجی ممالک میں چوتھا ملک ہے جہاں خواتین جج کے منصب پر فائز کی جارہی ہیں، عدالتی ذرائع کا کہنا ہے کہ کویت کی اعلیٰ عدالتی کونسل کا اجلاس منگل کو ہوگا جس میں خواتین کو جج بنائے جانے کے فیصلے کی منظوری دی جائے گی، خواتین ستمبر کے شروع سے بحیثیت جج کام کرنا شروع کردیں گی۔کویتی پارلیمنٹ کے سپیکر مرزوق علی الغانم نے کہا ہے کہ جج کے منصب پر کویتی خواتین کے تقرر کے فیصلے کا انتظار تھا۔ خواتین تمام میدانوں اور شعبوں میں برسہا برس سے اپنی کامیابیوں کے جھنڈے گاڑ رہی ہیں۔ جج مقرر کی جانے والی 8 خواتین میں فاطمہ عبد المنعیم عطیہ، فاطمہ فیصل الکندری، فاطمہ یعقوب الفرحان، سنابل بدر الحوطی، بشائر عبدالجلیل علی، بشائر صالح الرقدان، راوی عسام الطبطبائی اور لولو ابراہیم الغانم شامل ہیں۔

خواتین جج

مزید :

صفحہ آخر -