یہ عدالت پنجاب کے کیس کی تفتیش نہیں کر سکتی ، اسلام آباد ہائیکورٹ نے عمران ریاض کی گرفتاری پر توہین عدالت کی درخواست نمٹا دی
اسلام آباد ( ڈیلی پاکستان آن لائن ) اسلام آباد ہائیکورٹ نے صحافی عمران ریاض کی گرفتاری پر توہین عدالت کی درخواست نمٹا دی ، عدالت نے ریمارکس دیے کہ یہ عدالت پنجاب کے کیس کی تفتیش نہیں کر سکتی ۔
اسلام آباد ہائیکورٹ میں صحافی عمران ریاض کی گرفتاری پر توہین عدالت کی درخواست پر سماعت ہوئی ، چیف جسٹس اطہر من ا للہ نے ریمارکس دیے کہ عمران ریاض کی گرفتاری اٹک میں ہوئی ، یہ کورٹ پنجاب کی تفتیش تو نہیں کر سکتی ، عمران ریاض کو اسلام آباد پولیس نے نہیں بلکہ پنجاب پولیس نے گرفتار کیا ہے ، ہم اس کیس میں کوئی آبزرویشن نہیں دے رہے ۔
عدالت نے عمران ریاض کے وکیل کو لاہور ہائیکورٹ سے رجوع کرنے کا حکم دیتے ہوئے درخواست نمٹا دی۔
