سیکیورٹی خدشات، پنجاب اسمبلی کی سیکیورٹی مزید سخت کرنے کا فیصلہ
لاہور (مانیٹرنگ ڈیسک) پنجاب حکومت نے سیکیورٹی خدشات کے پیش نظر پنجاب اسمبلی کی سیکیورٹی مزید سخت کرنے کافیصلہ کر لیا ہے۔ میڈیا رپورٹس کے مطابق یہ فیصلہ ایم پی اے رانا جمیل کے اغواءکے بعد کیا گیا ہے۔ واضح رہے کہ اس سے قبل سیکیورٹی اداروں کی جانب سے جاری کئے گئے مراسلے میں مسلم لیگ ن کے رہنماءحمزہ شہباز شریف کو طالبان کی جانب سے اغواءکی دھمکیاں ملنے سے متعلق آگاہ کیا گیا تھا جس پر پنجاب حکومت نے ان کی سیکیورٹی کو مزید سخت کر دیا تھا اور ان کی نقل و حرکت کو بھی خفیہ رکھا جا رہا ہے۔