دانتوں کے لئے انتہائی خطرناک غذائیں

دانتوں کے لئے انتہائی خطرناک غذائیں
دانتوں کے لئے انتہائی خطرناک غذائیں

  



نیو دہلی (بیورورپورٹ ) ہماری روز مرہ کی خوراک میں بہت ساری ایسی غذائیں ہیں، جو خصوصی طور پر دانتوں کے لئے نقصان دہ ہیں اور بعدازاں متعدد مسائل کی وجہ بنتی ہیں۔ بھارت کے ایک معروف ڈینٹیسٹ ڈاکٹر میوکل ڈابھولکر کا کہنا ہے کہ ” چند غذائیں دانتوں کے اوپر سفید چمکدار تہ کو خراب کر دیتی ہیں، جو پھردانتوں کی حساسیت میں اضافہ کر دیتی ہیں اور دانتوں میں کیڑا، ٹھنڈا لگنا عام ہو جاتا ہے۔ گوکہ آج کل مختلف ٹوتھ پیسٹوں کے ذریعے دانتوں کی حساسیت پر قابو پایا جا سکتا ہے لیکن جب حالات حد سے زیادہ بگڑ جائیں تو پھر دانت نکوالنے پڑتے یا ان میں پیدا ہونے والے خلاﺅں کو پُر کرنا پڑتا ہے“۔ یہ ایک حقیقت ہے کہ ایک بار اگر ہمارے دانت خراب ہو گئے تو پھر کوئی ایسی دوا نہیں جو انہیں اپنی اصل حالت میں بحال کر دے۔ تو یہاں ہم آپ کو ایسی غذاﺅں کے بارے میں بتائیں گے جو آپ کے دانتوں کے لئے نقصان دہ ہیں۔

کینڈیز، کرامل اور دیگر دیرپا چاشنی والی اشیائے خوردونوش: کینڈیز وغیرہ دانتوں کی سطح پر دیر تک چمٹی رہتی ہے اور تحلیل ہونے میں بہت وقت لیتی ہیں اور دانتوں کے لئے یہ بہت نقصان دہ امر ہے۔ ڈاکٹر میوکل ڈابھولکر کا کہنا ہے کہ سخت کینڈیز آپ کے دانتوں کو توڑ بھی سکتی ہےں۔

تیزابی غذائیں: اگر آپ کا خیال ہے کہ لیموں کا نچوڑ دانتوں کی سفیدی کے لئے بہترین گھریلو ٹوٹکا ہے، تو آپ کو اپنی سوچ پر نظر ثانی کرنا ہو گی کیوں کہ ڈاکٹر میوکل ڈابھولکر کے مطابق یہ نقصان دہ چیز ہے۔ وہ تجویز کرتے ہیں کہ لیموں، ٹماٹر، انگور اور مالٹا کھانے کے بعد آپ کو اچھی طرح اپنے دانت دھونے چاہیے۔

چبانے والی گولیاں: وٹامن سے بھرپور چبانے والی گولیاں دانتوں سے چمٹ کر انہیں نقصان پہنچاتی ہیں۔

پُرتکلف کھانے: آلو کی چپس، سفید بریڈ، پیزا، پاستہ اور برگر جیسے کھانے بڑی آسانی سے دانتوں میں خلا کے ساتھ کیڑا پیدا کر دیتے ہیں۔ یہ کھانے میٹھے نہیں ہوتے لیکن ان میں پایا جانے والا نشاستہ انہیں جلد شوگر میں ڈھال دیتا ہے اور یہ شوگر دانتوں کے لئے انتہائی نقصان دہ ہے۔

سوڈاسے بھرپور مشروبات: سوڈا سے بھرپور مشروبات کا باقاعدگی سے استعمال دانتوں کی صحت کے لئے سخت مضر ہے۔

خشک میوہ جات: اپنی مٹھاس اور چپکنے کی صلاحیت کے باعث خشک میوہ جات بھی دانتوں کے لئے نقصان دہ ہیں۔ خشک کشمش، آلو بخارا اور خبانی بہت زیادہ لیس دار ہوتی ہے اور یہ دانتوں سے کافی دیر تک چمٹے رہنے کے باعث نقصان کا باعث بنتی ہے۔

دانتوں کی اچھی صحت کے لئے ان غذاﺅں سے دور رہنا نہایت ضروری ہے، جبکہ دودھ، دہی، پنیر، تازہ پھل، سبزیاں، اخروٹ اور سبز چائے وہ غذائیں ہیں، جو دانتوں کے لئے مطلوبہ کیلشیم کے مقدار کو پورا کرتی ہیں۔

مزید : تعلیم و صحت


loading...