رمضان المبارک میں بینکوں کے اوقات کار تبدیل
کراچی (مانیٹرنگ ڈیسک) سٹیٹ بینک آف پاکستان نے رمضان المبارک میں بینکوں کے اوقات کار تبدیل کردیے ہیں۔
سٹیٹ بینک ترجمان کی جانب سے جاری ایک بیان میں کہا گیا ہے کہ پیر تا جمعرات بینک صبح 8 بجے سے دوپہر 1 بج کر 45 منٹ تک کھلے رہیں گے جبکہ جمعہ کے روز بینک صبح 8 سے دوپہر ساڑھے 12 بجے تک کھلے رہیں گے۔
انہوں نے مزید بتایا کہ زکوٰة کا نصاب 35 ہزار 557 روپے مقرر کیا گیا ہے جبکہ گزشتہ سال یہ نصاب 33 ہزار 614 روپے تھا اور بینک کھاتوں سے یکم رمضان کو زکوٰة کاٹ لی جائے گی۔
