ترکی میں سکول بس کو حادثہ، طلبا سمیت 14 افرادجاں بحق
انقرہ(صباح نیوز)ترکی کے جنوبی علاقے میں تفریحی دورے سے واپس آنے والی سکول بس کو حادثے میں طلبا ءسمیت 14افراد ہلاک اور26زخمی ہو گئے۔غیر ملکی خبر رساں ادارے کے مطابق ترکی کے جنوبی صوبے عثمانیہ میں ایک سکول بس تفریحی دورے سے واپس آ رہی تھی کہ کار سے ٹکرانے کے بعد گہری نہر میں جا گری جس کے نتیجے میں طلبا اور اساتذہ سمیت 14افراد ہلاک اور 26زخمی ہو گئے۔ مقامی افراد اور امدادی ٹیموں کے اہلکاروں نے لاشوں اور زخمیوں کو گاڑی سے باہر نکالا۔ترک حکام کے مطابق حادثے کا شکار ہونے والے بچوں کا تعلق ترکی کے صوبے ہاتے کے قصبے اسکندرن کے ایک اسکول سے تھا جو ایک تفریحی دورے پر عثمانیہ گئے تھے۔
