سورۃ رحمان موذی امراض کا موثرعلاج، قرآن پاک کے حرف حرف میں شفا ہے: سائنسدان

سورۃ رحمان موذی امراض کا موثرعلاج، قرآن پاک کے حرف حرف میں شفا ہے: سائنسدان

اسلام آباد (آن لائن) سائنسدان اور جدید طب کے ماہرین کے درمیان سورۃالرحمن سے موذی امراض کے علاج اور شعور اجاگر کرنے کیلئے اسلام آباد میں سیمینار کا انعقاد ہوا جس میں ماہرین نے مختلف بیماریوں میں مبتلا مریضوں کو 7روز تک سورہ الرحمن کی تھیراپی کا تجربہ کر نے کی تجویز دیتے ہوئے کہا قرآن پاک کے حرف حرف میں شفا ہے، ملک بھر کے سرکاری ہسپتالوں میں سورہ الرحمن کی قرات سنانے کی پا لیسی نافذ کی جائے۔

سیمینار میں پمز ہسپتال اسلام آباد کی ماہر ہارٹ سرجن ڈاکٹر ماہ رخ خان، سروسز ہسپتال لاہور شعبہ انتہائی نگہداشت کے ماہر ڈاکٹر محمد جاوید احمد، لمزیونیورسٹی کے شعبہ مالیکیولر بائیولوجی کے سائنسدان ڈاکڑ محمد طارق، ڈائریکٹر ایس اینڈ آئی ارم حمید سمیت دیگر نے شرکت کی۔ سیمینار سے خطاب میں سروسز ہسپتال لاہور شعبہ انتہائی نگہداشت کے ماہر ڈاکٹر محمد جاوید احمد نے کہاقرآن پاک کے حرف حرف میں شفا ہے، ہم اس عمل کے گرینڈ ٹرائل کی طرف جا رہے ہیں، کسی سائیڈ ایفکٹ کے بغیر یہ تجربات انسانوں پر ہو رہے ہیں اور اس عمل میں ہم نے دنیا کے مختلف ممالک کے ڈاکٹروں کو بھی شامل کیا ہے جبکہ لمز یونیورسٹی لاہور سار ے ڈیٹا کا جائزہ لے رہی ہے جبکہ انسانی دماغ اوربیکٹریا پر اثرات کا بھی جائزہ لیا جا رہا ہے۔

ڈپیریشن کے مریضوں کیلئے سورہ الرحمن کی تھیراپی ایک بہترین رزلٹ ثابت ہو رہا ہے جبکہ انسانوں میں نفرت کے باعث ان میں بیماریاں پیدا ہو رہی ہیں۔ سورہ الرحمن سے کینسر جیسے موذی مرض کے علاج کیلئے ریسرچ شروع کر رہے ہیں، سائنس دانوں کے پاس ملنے والا ڈیٹا بہت مضبوط ہے جس کا جائزہ کیا جا رہا ہے۔

ان کے مشاہدے کے مطابق معاشرے میں بڑھتی ہوئی منفی سوچ بالخصوص نفرت ہوس حسد کینہ بغض و تعصب اور عدم برداشت نفسانیت و غاصبانہ سوچ کو جنم دیتی ہے۔ یہ منفی رجحا نا ت بالآخر مایوسی ڈپریشن غصہ بدلہ تشدد انتہا پسندی یا لاچارگی کے بعد ناصرف نشہ بازی بلکہ خودکشی کی حد تک لے جاتے ہیں، یہی منفی سوچ ا و ر نفرت روح کی کمزوری کا باعث بنتی ہے اور یہ روحانی کمزوری ایک لاغر انسانی جسم کی صورت ظاہر ہوتی ہے، یعنی نفرت ہر بیماری کی جڑ ہے ۔ روح کمزور ہوتی ہے تو جسم بیمار ہو جاتا ہے۔

مزید : علاقائی

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...