اصغر خان کیس ،نواز شریف سمیت دیگر آ ج سپریم کورٹ طلب
اسلام آباد ( مانیٹر نگ ڈیسک،صبا ح نیوز)سپریم کورٹ آف پاکستان نے اصغر خان کیس میں سابق وزیراعظم میاں نواز شریف سمیت 31فریقین کو نوٹسز جاری کر دیئے ہیں،تفصیلات کے مطابق رجسٹرار آفس سپریم کورٹ نے اصغر خان کیس میں 31فریقین کو نوٹس جاری کر دیئے، سابق وزیرِاعظم نواز شریف کو آج (بدھ کو) ذاتی حیثیت میں سپریم کورٹ میں پیش ہونے کی ہدایت کر دی گئی ہے۔دوسری جانب عابدہ حسین، الطاف حسن قریشی کو بھی ذاتی حیثیت میں طلب کر لیا گیا ہے۔ رجسٹرار آفس سپریم کورٹ کی جانب سے جن شخصیات کو نوٹسز جاری کیے گئے ہیں ان میں الطاف حسین، جاوید ہاشمی، جام معشوق، اجمل خان، آفاق احمد، خورشید شاہ، غلام مصطفی کھر، سراج الحق، سیکرٹری داخلہ، دفاع اور ڈی جی ایف آئی اے بھی شامل ہیں۔ چیف جسٹس کی سربراہی میں 3 رکنی بنچ آج اسلام آباد میں کیس کی سماعت کرے گا۔
اصغر خان کیس