نئے نوٹوں کے حصول کیلئے چار روز میں58فیصد بکنگ

نئے نوٹوں کے حصول کیلئے چار روز میں58فیصد بکنگ

اسلام آباد (صباح نیوز)عید الفطر پر صارفین کو نئے کرنسی نوٹوں کی فراہمی کیلئے سٹیٹ بینک آف پاکستان کی جانب سے شروع کی گئی ایس ایم ایس سروس کے ذریعے چار روز میں85فیصد بکنگ کرائی گئی ۔ ایس بی پی کے جاری بیان کے مطابق مرکزی بینک کی جانب سے 31 مئی 2018 کو شروع کی گئی ایس ایم ایس سروس کے ذریعے چار روز کے دوران 2.3 ملین صارفین نے نئے کرنسی نوٹوں کیلئے اپلائی کیا ہے۔رواں سال صارفین کو نئے کرنسی نوٹ فراہم کرنے کیلئے ملک کے 132 شہروں اورقصبوں میں 1535 برانچز کے ذریعے ادائیگی کی جائے گی جبکہ گزشتہ عیدالفطر کے موقع پر سٹیٹ بینک آف پاکستان کی جانب سے 120 شہروں اورقصبوں میں 1018 بین برانچز کے ذریعے صارفین کو نئے نوٹ جاری کئے گئے تھے۔ ایس بی پی کے مطابق گزشتہ سال عید الفطر کے موقع پر 1.8 ملین صارفین کو نئے کرنسی نوٹ فراہم کئے گئے تھے جبکہ رواں سال عیدالفطر کے لئے نئے کرنسی نوٹوں کے اجرا کے لئے صارفین کی تعداد میں 50 فیصد اضافہ کیا گیا اور2.7 ملین صارفین کو ایس ایم ایس سروس کے ذریعے نئے کرنسی نوٹ جاری کئے جائیں گے۔

مزید : صفحہ آخر