شہباز شریف کے وارنٹ نے نیب نیازی گٹھ جوڑ بے نقاب کر دیا،مریم اورنگزیب

  شہباز شریف کے وارنٹ نے نیب نیازی گٹھ جوڑ بے نقاب کر دیا،مریم اورنگزیب

  

لاہور (این این آئی)مسلم لیگ (ن) کی ترجمان مریم اورنگزیب نے کہا ہے کہ نیب نیازی گٹھ جوڑ کی چوری پکڑی گئی ہے۔وزیراعظم عمران خان کے بیان پر اپنے رد عمل میں مریم اورنگزیب نے کہا کہ تین سال سے تینتیس حاضریوں میں مفرور ہونے سے ظاہر ہوتا ہے عمران خان شہبازشریف سے بھاگ رہے ہیں،پانچ سال سے فارن فنڈنگ کیس سے بھاگنے سے ظاہر ہوتا ہے وزیرِاعظم کی چوری پکڑی گئی،یہی نہیں بلین ٹری سونامی اور بی آر ٹی کے کھڈوں سے عمران خان کا جھوٹ پکڑا گیا ہے۔مریم اورنگزیب نے مزید کہا اپنے خلاف اوپن اینڈ شٹ کیسزکا جواب نہ دینے سے ظاہر ہوتا ہے عمران صاحب کی چوری پکڑی گئی ہے،دو جون کا نوٹس دیکر اٹھائیس مئی کو شہبازشریف کے وارنٹ گرفتاری سے ظاہر ہوتا ہے نیب نیازی گٹھ جوڑکی چوری پکڑی گئی ہے۔

مریم اورنگزیب

مزید :

صفحہ آخر -