”وباءکو ابھی کنٹرول نہ کیا تو صورتحال اٹلی اور امریکہ ۔۔۔“ فیصل آباد کورونا وائرس سے متاثرہ شہروں میں دسویں سے تیسرے نمبر پر آگیا، انتظامیہ نے خبردار کردیا

”وباءکو ابھی کنٹرول نہ کیا تو صورتحال اٹلی اور امریکہ ۔۔۔“ فیصل آباد کورونا ...
”وباءکو ابھی کنٹرول نہ کیا تو صورتحال اٹلی اور امریکہ ۔۔۔“ فیصل آباد کورونا وائرس سے متاثرہ شہروں میں دسویں سے تیسرے نمبر پر آگیا، انتظامیہ نے خبردار کردیا

  

فیصل آباد (ویب ڈیسک) کورونا وائرس نے فیصل آباد میں بھی پنجے گاڑ لئے، شہریوں کے غیر محتاط رویے کہ باعث فیصل آباد پاکستان میں وائرس سے متاثرہ دسویں نمبر سے تیسرے نمبر پر آچکا ہے۔ ضلعی انتطامیہ نے حکومتی ایس او پیز پر عمل نہ کرنے والوں کے خلاف سخت ایکشن لینے کا فیصلہ کرلیا۔کورونا وباءنے فیصل آباد میں تباہی مچا رکھی ہے، وائرس سے اب تک 2000 سے زائد افراد متاثر ہوچکے ہیں جبکہ 50 سے زائد اموات ہوچکی۔ طبی ماہرین کے مطابق رپورٹ نہ ہونے والے متاثرہ شہریوں کی تعداد بھی ہزاروں میں ہے۔

ضلعی انتطامیہ نے پاک فوج اور پنجاب پولیس کی مدد سے سے کورونا وائرس سے بچاو¿ کے حفاظتی اقدامات نہ اٹھانے والوں کے خلاف کاروائیاں تیز کر دی ہیں۔ گھنٹہ گھر سے ملحقہ بازاروں اور مارکیٹوں میں ایس او پیز پر عمل نہ کرنے والی 300 سے زائد دکانیں سیل کر دی گئی ہیں۔اس کے علاوہ پولیس نے جگہ جگہ پر ناکہ بندی کرلی ہے جہاں پر فیس ماسک نہ پہننے والوں کو جرمانے کرنے کے ساتھ مختلف سزائیں دی جا رہی ہیں۔

ڈپٹی کمشنر فیصل آباد کا کہنا ہے کہ وباءکو ابھی کنٹرول نہ کیا تو صورتحال اٹلی اور امریکہ کی طرح بگڑنے کا خدشہ ہے، شہری اور تاجر ذمہ داری کا مظاہرہ کریں۔

مزید :

علاقائی -پنجاب -فیصل آباد -کورونا وائرس -