روسی ریڈیو اسٹیشنز پر ہیکرز کا حملہ، صدر پوٹن کا جعلی خطاب نشر

ماسکو (ڈیلی پاکستان آن لائن) روس میں نامعلوم ہیکرز نے ریڈیو اسٹیشنز کو ہیک کرکے صدر پوٹن کا جعلی خطاب نشر کردیا۔

روسی ایوان صدر کے مطابق کئی روسی ریڈیو اسٹیشنوں کو ہیک کر کے صدر ولادیمیر پوٹن کی جعلی تقریر چلائی گئی جس میں یوکرین کے فوجی حملے اور یوکرین سے متصل تین علاقوں میں ہنگامی اقدامات کا اعلان کیا گیا تھا، جعلی خطاب میں کہا گیا تھا کہ  نیٹو اور واشنگٹن کی رضامندی اور حمایت سے مسلح یوکرین کے فوجیوں نے کرسک، بیلگوروڈ اور برائنسک علاقوں پر حملہ کر دیا ہے۔ ایوان صدر کے ترجمان دیمیتری پیسکوف نے کہا کہ ہیکنگ کا واقعہ جنوب مغربی بیلگوروڈ میں دراندازی کی متعدد کوششوں اور شدید گولہ باری کے درمیان اور یوکرین کے جلد متوقع جوابی کارروائی کے عندیے کے بعد سامنے آیا ہے۔