جوڈیشل کمپلیکس توڑپھوڑ کیس ؛سابق پی ٹی آئی رہنما راجہ خرم نواز کی ضمانت میں 10جون تک توسیع
اسلام آباد(ڈیلی پاکستان آن لائن)انسداد دہشتگردی عدالت نے جوڈیشل کمپلیکس توڑپھوڑ کیس میں سابق پی ٹی آئی رہنما راجہ خرم نواز کی ضمانت میں 10جون تک توسیع کردی۔
نجی ٹی وی چینل جیو نیوز کے مطابق انسدادہشتگردی عدالت میں سابق پی ٹی آئی رہنما راجہ خرم نواز کیخلاف جوڈیشل کمپلیکس توڑپھوڑ کیس کی سماعت ہوئی، راجہ خرم نواز اپنے وکیل سردار مصروف خان کے ہمراہ اے ٹی سی پیش ہوئے ،انسداددہشتگردی عدالت کے جج راجہ جوادعباس نے کیس کی سماعت کی ۔
وکیل صفائی نے کہاکہ تفتیشی افسر سے پوچھا جائے راجہ خرم نواز تفتیش میں درکار ہیں یا نہیں؟اے ٹی سی جج نے تفتیشی افسر سے استفسار کیا راجہ خرم نواز تفتیش میں مطلوب ہیں یا مقصود؟تفتیشی افسر نے کہاکہ راجہ خرم نواز کے خلاف کیس میں جے آئی ٹی بھی عدالت میں موجود نہیں۔
اے ٹی سی جج نے تفتیشی افسر مکالمہ کرتے ہوئے کہاکہ تفتیشی افسر آپ ہیں، تفتیش آپ کو کرنی ہے، انسداددہشتگردی عدالت نے راجہ خرم نواز کی ضمانت میں 10جون تک توسیع کردی ، عدالت نے آئندہ سماعت پر راجہ خرم نواز کی ضمانت کنفرمیشن پردلائل طلب کرلئے۔
