روس سے 1لاکھ ٹن خام تیل اب تک پاکستان کیوں نہیں پہنچ پایا ، بحری جہاز کہاں ہے ؟ جانیے
اسلام آباد ( ڈیلی پاکستان آن لائن ) روس سے 1لاکھ ٹن خام تیل اب تک پاکستان کیوں نہیں پہنچ پایا ، بحری جہاز کہاں ہے اور 27مئی کو عمان کیوں نہیں پہنچا ؟ اس حوالے سے اہم تفصیلات سامنے آئی ہیں ۔ "دی نیوز " کے مطابق روس سے پاکستان پہنچنے والے1 لاکھ ٹن خام تیل کے تمام اندازے غلط ثابت ہوئے کیونکہ بحری جہاز ابھی تک عمان نہیں پہنچ پایا ۔ سرکاری محکمے کے ایک اعلیٰ افسر نےبتایا کہ بحری جہاز کل 7 جون کو عمان کی بندر گاہ پہنچے گا۔
وزیر مملکت برائے پیٹرولیم ڈویژن مصدق ملک نے ایک عشرہ قبل میڈیا سے گفتگو کرتے ہوئے دعویٰ کیا تھا کہ بحری جہاز 27 مئی کو عمان پہنچے گا جس کے بعد چھو ٹے بحری جہاز وں میں روسی خام تیل پاکستان کی بندرگاہ پورٹ قاسم پہنچے گا او ر اس میں تقریباً 2 ہفتے لگیں گے۔ پہلی روسی تیل کی کھیپ1 لاکھ ٹن خام تیل لانے کے بارے میں اطلاعات غلط معلومات کی بنیاد پر بتائی گئی تھیں۔
واضح رہے کہ یہ قیاس آرائیاں بھی کی جا رہی ہیں کہ روسی تیل آنے کے بعد پاکستان میں پیٹرول کی قیمت 100 روپے فی لیٹر کم ہو جائے گی ۔
