وہاج علی کے انسٹاگرام پر 3 ملین فالوورز ہونے پر بھارتی مداحوں کا جشن,ویڈیو وائرل
کر اچی(ڈیلی پاکستان آن لائن)پاکستان شوبز انڈسٹری کے معروف اداکار وہاج علی کے انسٹاگرام پر 3 ملین فالوورز ہونے پر اداکار کے بھارتی مداحوں نے بہت خوبصورت انداز میں خوشی کا اظہار کیا ہے، جس کی ویڈیو سوشل میڈیا پرو ائرل ہوگئی۔
تفصیلات کے مطابق اداکار وہاج علی کے انسٹاگرام پر فالوورز کی تعداد 3 ملین ہونے کی خوشی میں بھارت کے ایک سکول کے طلباء نے ایک چھوٹی سی تقریب کا انعقاد کیا، جس میں بچے اداکار کے پوسٹرز لائے اور ایک کیک بھی کاٹا۔انہوں نے اس تقریب کی ویڈیو اور تصاویر سوشل میڈیا پر بھی شیئر کیں۔جس کے بعد وہاج علی نے اس تقریب کی ویڈیو اورتصاویر اپنے انسٹاگرام اکاؤنٹ پرشیئر کرتے ہوئے اپنے بھارتی مداحوں کا شکریہ ادا کیا۔اُنہوں نے اپنی پوسٹ کے کیپشن میں لکھا کہ"یہ حوصلہ افزائی کا سب سے خوبصورت انداز ہے"۔
View this post on Instagram
اُنہوں نے سکول انتظامیہ سے مخاطب ہوتے ہوئے لکھا کہ"میں شکریہ ادا کرنے کے لیے آپ کو اور ان خوبصورت بچوں کو پاکستان سے بھارت کوئی تحفہ بھیجنے سے تو قاصر ہوں لیکن میں دل کی گہرائیوں سے دعا کرتا ہوں کہ اللّٰہ آپ سب کو خوش رکھے،آمین"۔
