پاکستان کے سلامتی کونسل کا غیر مستقل رکن منتخب ہونے کا قوی امکان
نیویارک (آئی این پی)اقوام متحدہ میں پاکستان کے سلامتی کونسل کا غیر مستقل رکن منتخب ہونے کا قوی امکان ہے۔جاپان کی خالی کردہ ایشیائی ممالک کی نشست پر پاکستان بلا مقابلہ امیدوار ہے۔ اقوام متحدہ میں سلامتی کونسل میں ایشیائی ممالک کی نشست خالی ہے جس پر پاکستان بلامقابلہ امیدوار ہے۔53 ایشیائی ممالک نے پاکستان کی حمایت کردی ہے۔میڈیارپورٹ کے مطابق غیر مستقل ارکان کے انتخاب کے لیے اقوام متحدہ کی جنرل اسمبلی کا اجلا س آج (جمعرات کو) ہوگا۔ 193ارکان خفیہ بیلٹنگ کے ذریعے ووٹ کریں گے۔ امیدوارکو دو تہائی اکثریت یا 128 ووٹ حاصل کرنے ضروری ہوتے ہیں چاہے وہ بلامقابلہ ہی کیوں نہ ہو۔سلامتی کونسل کے پانچ مستقل اور10غیرمستقل ارکان ہیں۔نئے منتخب ہونے والے رکن ملک دو سال تک خدمات سرانجام دیں گے۔
قوی امکان
