تھیلیسیمیا کا ہر مریض معاشرے کی خصوصی توجہ کا مستحق: مریم نواز

                                                            لاہور (جنرل رپورٹر)وزیر اعلیٰ پنجاب مریم نوازشریف سے تھیلیسیمیا کے مریض بچے محمد رضوان نے ملاقات کی۔وزیر اعلیٰ مریم نواز نے محمد رضوان کو پانچ لاکھ روپے کا امدادی چیک دیا۔ وزیراعلی مریم نوازشریف نے محمد رضوان کی اپنے گھر کی خواہش پوری کرنے کا وعدہ کیا۔وزیراعلی مریم نوازشریف نے تھیلیسیمیا کے دیگر بچوں کا بھی خیال رکھنے کا عزم کا اظہار کیا۔وزیر اعلیٰ مریم نواز شریف نے محمد رضوان کا گرمجوشی سے خیر مقدم کیا۔وزیر اعلیٰ مریم نواز شریف نے محمد رضوان کو ساتھ بٹھایااور صحت کے بارے میں دریافت کیا۔محمد رضوان نے وزیراعلی مریم نواز شریف سے ملاقات پر دلی مسرت کا اظہار کیا۔ محمد رضوان نے کہا کہ یقین نہیں آرہا وزیر اعلیٰ سے مل رہا ہوں۔ وزیر اعلیٰ مریم نواز شریف شریف نے کہا کہ مجھے بھی یقین نہیں آرہا۔ محمد رضوان بہت اچھا نام ہے، ملکر بہت خوشی ہوئی۔تھیلیسیمیا کاہر مریض معاشرے کی خصوصی توجہ کے مستحق ہیں۔ تھیلیسیمیا کے مریضوں کیلئے خون کی تبدیلی کے عمل سے گزرنا تکلیف دہ ہے۔ سینٹر پرویز رشید بھی اس موقع پر موجود تھے، مریم نوازشریف نے عافیت(دارالامان) میں مقیم 10خواتین کو حج پر بھیجنے سے پہلے ملاقات کی۔ پاکستان مسلم لیگ کے قائدمحمد نوازشریف بھی بزرگ خواتین کی خواہش پرملنے کے لئے آگئے۔ وزیر اعلیٰ مریم نوازشریف سے عید پر عافیت میں رہائش پذیر بزرگ خواتین نے حج کی خواہش کی تھی۔ وزیر اعلیٰ مریم نوازشریف کی ہدایت پر 10بزرگ خواتین کے لئے حج کا انتظامات کیے گئے ہیں۔ وزیر اعلیٰ مریم نوازشریف نے کہا کہ بزرگ خواتین ہماری ماؤں جیسی ہیں، ان کا بہت خیال رکھا جائے اور انہیں کوئی تکلیف نہ ہو۔ انہوں نے کہا کہ آپ نے پاکستان کے لئے بہت سے دعائیں کرنی ہیں، اللہ تعالیٰ وطن عزیز کی خیر کرے۔ اللہ نے وعدہ پورے کرنے کی توفیق دی،مجھے آپ کے حج پر جانے کی بہت خوشی ہے۔ قائد مسلم لیگ ن محمد نوازشریف نے کہا کہ حج پر جانے والوں سے ملنا ایک اعزاز ہے، بہت خوشی ہوئی۔مزدور کومعاشی طور پر اوپر اٹھائیں گے، غریب کا اچھا وقت آگیا ہے۔ ہماری حکومت میں خلل نہ آتا تو غربت اور بے روزگاری ختم ہوجاتی۔ حج پر جانے والے پاکستان کے لئے دعائیں کریں، اللہ ملک کی خیر کرے۔بزرگ خاتون زینت بی بی آبدیدہ ہوگئیں، کہا کبھی سوچا بھی نہیں تھا کہ حج پر جا سکوں گی۔ زینت بی بی نے میاں محمد بخش کا شعر سنایا ”میں گلیاں دا روڑا کوڑا…… محل چڑھایا سائیاں“۔فریدہ رحمت علی نے کہا کہ ہمارا کوئی سہارا نہیں تھا، اللہ تعالیٰ نے آپ کو وسیلہ بنا کر بھیج دیا۔امیر جہاں نے کہا کہ اللہ وہاں لیکر جارہا ہے، باقی اسباب بھی اللہ بنائے گا اور حفاظت کرے گا۔ بخت مینانے کہا کہ مریم نوازشریف نے ایسے برتاؤ کیا جیسے ہماری بیٹی ہیں۔نسیم اخترنے کہا کہ محمدنوازشریف ہمارے ملک کے معمار ہیں ملنے کی بہت خواہش تھی۔ عفت سلطانہ نے کہا کہ آپ ہمارے سر پر چادر کی مانند ہیں، یہ چادر پہلے سرک گئی تھی۔یاسمین ملک نے کہا کہ نماز کے بعد حج کے لئے روزانہ دعا کیا کرتے تھے۔عابدہ سراج نے کہا کہ اللہ ہر ماں کومریم نوازشریف جیسی بیٹی دے۔ بشیراں بی بی نے کہا کہ خوشی ہے کہ بلا وا آگیا، اللہ نے مریم نوازشریف کو وسیلہ بنا دیا۔وزیر اعلیٰ مریم نوازشریف کی طرف سے تمام خواتین کو احرام،سوٹ اور زادراہ پیش کیا گیا۔ عافیت میں رہائش پذیر 10 خواتین اور انچارج سمیرااسلم اور معاون 21روز کے لئے سعودی عرب روانہ ہورہے ہیں۔ فریدہ رحمت علی، امیر جہاں، بخت مینا، نسیم اختر، نور جہاں، عفت سلطانہ، یاسمین ملک، عابدہ سراج، زینت بی بی اور بشیراں بی بی حج کرنے والوں میں شامل ہیں۔ 

مریم نواز