مودی مستعفی، 8 جون کو تیسری باز وزارت عظمیٰ کا حلف اٹھائینگے

 نئی دہلی(مانیٹرنگ ڈیسک) دو مرتبہ بھارت کے وزیراعظم رہنے والے نریندر مودی تیسری مرتبہ وزارت عظمیٰ کا حلف 8 جون کو اٹھائیں گے۔بھارتی میڈیا کے مطابق لوک سبھا کے انتخابات میں بھارتیہ جنتا پارٹی کے اتحاد کی کامیابی کے بعد حکومت سازی کے معاملات شروع ہوچکے ہیں اور نریندر مودی نے وزارتِ عظمیٰ کے عہدے سے استعفیٰ دیدیا ہے۔ بھار تی صدر دروپدی مرمو نے نریندر مودی کا استعفیٰ قبول کرتے ہوئے ان سے اگلی حکومت کی تشکیل تک کام جاری رکھنے کی درخواست کی ہے۔بھارتی میڈیا کے مطابق نریندر مودی تیسری مرتبہ ملک کے وزیراعظم کا منصب سنبھالنے کیلئے 8 جون کو حلف اٹھائیں گے،نریندر مودی بھارتی تاریخ میں تیسری مرتبہ وزیراعظم بننے والی دوسری شخصیت ہیں، ان سے قبل جواہر لال نہرو تین مرتبہ بھارت کے وزیراعظم رہ چکے ہیں، وزیراعظم کے عہدے سے استعفے سے قبل مودی نے یونین کیبنٹ کی اہم میٹنگ بھی کی جس میں الیکشن نتائج اور حکو مت سازی کے معاملات زیر غور آئے۔واضح رہے لوک سبھا کے انتخابات میں کانگریس اتحاد نے 234 جبکہ بی جے پی کے اتحاد این ڈی اے نے 292 نشستیں جیتی ہیں۔

مودی