الحمراء نامور پینٹر اُستاد اللہ بخش کو خراج عقیدت پیش کریگا

لاہور(فلم رپورٹر)لاہور آرٹس کونسل الحمراء نامور پینٹر اُستاد اللہ بخش کی خدمات کو خراج عقیدت پیش کرئے گا۔اس مناسبت سے آرٹسٹ ٹاک کی تقریب کا انعقا د آج سہ پہر 1بجے الحمراء آرٹ میوزیم ٗ الحمراء کلچرل کمپلیکس قذافی سٹیڈیم،لاہور میں منعقد ہوگی۔تقریب میں نامور مصور ڈاکٹر اعجاز انور ٗ اُستاد اللہ بخش کے فن و شخصیت پر اظہار خیال کریں گے۔ ایگزیکٹو ڈائریکٹر لاہور آرٹس کونسل الحمراء سارہ رشید نے اس حوالے سے اپنے تاثرات میں کہا کہ آرٹسٹ ٹاک کا مقصد نوجوانوں کو اُستاد اللہ بخش کی خدمات سے روشناس کروانا ہے۔الحمراء اُستاد اللہ بخش کے کام کو اُجاگر کرنے کی اپنی ذمہ 

داری بخوبی احسن نبھا رہا ہے۔پاکستانی ثقافت کے سفیر اللہ بخش 1895میں وزیر آباد میں پیدا ہوئے۔الحمراء آرٹ میوزیم میں آویزاں اُستاد اللہ بخش کے فن پاروں کو عوام بہت پسند کرتے ہیں۔اللہ بخش کا کام سچائی پر مبنی ہے تبھی وہ لوگوں کے دلوں میں زندہ ہیں۔اپنی پینٹنگ میں روشنی پر خصوصی خیال، رنگوں کا چناؤ خوبصورت ہے،رومانویت ان کے فن پاروں کا خاصہ ہے۔نوعمری ہی میں برصغیر میں شہرشہر کام کیا، نام کمایا اور انعامات حاصل کئے۔صوفیانہ مزاح کے مالک تھے،پنجاب کے لوک کہانیوں کو پینٹ کیا،جو حقیقت کو مجسم کردار ٹھہریں۔مختلف میڈیم استعمال کئے، ان کا فلسفہ حیات ان کے کام سے سمجھا جا سکتا ہے۔18اکتوبر 1978کو 83برس کی عمر میں خالق حقیقی سے جا ملے۔