بجٹ ، رینجرز، ایف سی کی تنخواہیں پاک فوج کے جوانوں کے برابر کرنےکا فیصلہ

 اسلام آباد(آئی این پی) وفاقی حکومت نے رینجرز اور فرنٹیئر کانسٹببلری (ایف سی ) کی تنخواہیں پاک فوج کے جوانوں کے برابر کرنے کا فیصلہ کرلیا جبکہ وزیراعظم نے سول آرمڈ فورسزکی تنخواہوں میں اضافے کی اجازت بھی دے دی۔میڈیارپورٹ کے مطابق وفاقی حکومت نے سول آرمڈ فورسز کی تنخواہیں پاک فوج کے برابر کرنے کی تیاریاں مکمل کرلی ہیں، وزارت خزانہ نے سول آرمڈ فورسز کے لیے نظرثانی بنیادی پے اسکیل 2024 کی منظوری دے دی۔نظرثانی بنیادی پے اسکیل 2024 کے تحت سول آرمڈ فورسز کی تنخواہوں میں زیادہ سے زیادہ اضافہ 55 اعشاریہ 76 یا 31 ہزار810 روپے تک بنے گا۔ذرائع کا کہنا ہے کہ رینک کے حساب سے تنخواہوں میں اضافہ مختلف اور اوسط اضافہ کم بنے گا، تنخواہوں میں اضافہ پنجاب رینجرز، سندھ رینجرز، ایف سی نارتھ اور ایف سی ساتھ خیبر پختونخواہ،ایف سی نارتھ اور ایف سی ساتھ بلوچستان، پاکستان کوسٹ گارڈز، گلگت بلتستان اسکاﺅ ٹس اور فرنٹیئر کانسٹیبلری کے لیے ہوگا۔

 وفاقی بجٹ