سابق ایم پی اے چودھری عدنان قتل کیس ، لیگی رہنما چودھری تنویر کی ضمانت مسترد، گرفتاری کا حکم
راولپنڈی(ڈیلی پاکستان آن لائن)ڈسٹرکٹ اینڈ سیشن کورٹ نے سابق ایم پی اے چودھری عدنان قتل کیس میں لیگی رہنما چودھری تنویر کی ضمانت مسترد کر دی اور گرفتاری کا حکم دیدیا۔
نجی ٹی وی چینل جیو نیوز کے مطابق ڈسٹرکٹ اینڈ سیشن کورٹ راولپنڈی میں سابق ایم پی اے چودھری عدنان قتل کیس کی سماعت ہوئی،کیس کی سماعت ایڈیشنل ڈسٹرکٹ اینڈ سیشن جج رانا سہیل نے کی،عدالت نے گزشتہ روز ملزمان کی درخواست ضمانت پر فیصلہ محفوظ کیاتھا،سیشن جج رانا سہیل نے محفوظ فیصلہ سناتے ہوئے لیگی رہنما چودھری تنویر کی ضمانت کی درخواست مسترد کردی اورچودھری تنویر کو گرفتار کرنے کا حکم دیدیا۔ عدالت نے دانیا ل چودھری، اسامہ چودھری، چودھری چنگیز کی درخواست ضمانت منظور کرلی،عدالت نے صبح ملزمان کی حاضری لگا کر انہیں جانے کی اجازت دی تھی۔
