نواز شریف بیماری نہیں جھوٹ اور کرپشن پر جیل میں ہیں،شریف خاندان ڈرامہ بازی کر کے عوامی ہمدردیاں حاصل کرنا چاہتا ہے:خرم نواز گنڈا پور 

نواز شریف بیماری نہیں جھوٹ اور کرپشن پر جیل میں ہیں،شریف خاندان ڈرامہ بازی ...
نواز شریف بیماری نہیں جھوٹ اور کرپشن پر جیل میں ہیں،شریف خاندان ڈرامہ بازی کر کے عوامی ہمدردیاں حاصل کرنا چاہتا ہے:خرم نواز گنڈا پور 

  

لاہور (ڈیلی پاکستان آن لائن)پاکستان عوامی تحریک کے سیکرٹری جنرل خرم نواز گنڈاپور نے کہا ہے کہ نواز شریف بیماری کی وجہ سے نہیں بلکہ کرپشن کرنے اور جھوٹ بولنے پر جیل میں ہیں، عدالت کے سزا یافتہ مجرم کے حوالے سے اپوزیشن لیڈر شہباز شریف کا واویلہ قابل مذمت ہے، کم ظرف نواز شریف ہیں جنہیں قوم نے تین بار وزیراعظم بنایااور انہوں نے ہر بار ریاستی عہدے کو خاندانی دولت میں اضافہ کرنے کیلئے استعمال کیا۔

نجی ٹی وی سے گفتگو کرتے ہوئے خرم نواز گنڈا پور کا کہنا تھا کہ شریف خاندان ڈرامہ بازی کر کے عوامی ہمدردیاں سمیٹنا چاہتا ہے، نواز شریف بیماری کی آڑ میں لندن کے محلات میں زندگی کے آخری دن گزارنا چاہتے ہیں اور اب ان کی یہ حسرت پوری نہیں ہو سکے گی۔انہوں نے کہا کہ نواز شریف کی بیماری پر سیاست کرنے والے شہباز شریف ایک ظالم اور سفاک شخص ہیں،اُنھوں نے ماڈل ٹاؤن میں ناحق گرفتار بیٹوں کو اپنے شہید والدین کے جنازے میں بھی شرکت کی اجازت نہیں دی تھی، ماڈل ٹاؤن کے شہید صوفی اقبال کو پولیس نے شہید کیا اور اپنے والد کو پانی پلانے کیلئے آنے والے ان کے بیٹے آصف اقبال کو گرفتار کر لیا گیا اور اسے منت سماجت کے باوجود والد کی نماز جنازہ میں شرکت کی اجازت نہیں دی تھی۔انھوں نے کہا کہ نواز شریف بیمار ہیں تو انھیں دیگر قیدیوں کی طرح علاج معالجہ کی سہولت دی جائے۔

مزید :

علاقائی -پنجاب -لاہور -