پی ایس ایل 4 میچز، کراچی کا متبادل ٹریفک پلان جاری کردیاگیا 

پی ایس ایل 4 میچز، کراچی کا متبادل ٹریفک پلان جاری کردیاگیا 
پی ایس ایل 4 میچز، کراچی کا متبادل ٹریفک پلان جاری کردیاگیا 

  

کراچی(ڈیلی پاکستان آن لائن)شہر قائد میں منعقد ہونے والے پی ایس ایل سیزن فور کے میچز کی مناسبت سے ٹریفک پولیس نے متبال ٹریفک پلان جاری کردیا۔

تفصیلات کے مطابق کراچی کے نیشنل سٹیڈیم میں پی ایس ایل سیزن فور کے شیڈول میچز 7، 10، 13 اور 15 جبکہ فائنل 17 مارچ کو کھیلا جائے گا جس کے تحت مختلف شاہراں پر امن و امان کی صورتحال کے پیش نظر ٹریفک کی روانی متاثر ہوگی۔کراچی ٹریفک پولیس کی جانب سے متبادل راستوں کا تعین جبکہ سٹیڈیم جانے والے شائقین کے لیے پارکنگ کے انتظامات اور شٹل سروس پوائنٹس کا تعین کیا گیا ہے۔سٹیڈیم جانے والے شائقین کے لیے پارکنگ کی سہولت گلشن اقبال میں واقع حکیم سعید پارک، اردو یونیورسٹی گرانڈ اور اتوار بازار بالمقابل بیت المکرم مسجد کے قریب ہوگی۔ضلع وسطی اور غربی کے وہ رہائشی جو سٹیڈیم جانا چاہتے ہیں انہیں براستہ نیپا اور لیاقت آباد نمبر 10 سے حسن سکوائر اور پھر یونیورسٹی روڈ پر مقرر کیے گئے مقامات پر گاڑی یا موٹر سائیکل پارک کرنے کی سہولت دی جائے گی جبکہ ایکسپو سینٹر سے بذریعہ شٹل سروس شائقین کو نیشنل سٹیڈیم پہنچایا جائے گا۔

ضلع ملیر اور شرقی کے رہائشی صفورا گوٹھ سے نیپا چورنگی پہنچیں گے جس کے بعد ان کی گاڑیوں کو سہراب گوٹھ ، گلشن چورنگی کی طرف موڑا جائے گا جہاں پر پارکنگ کی سہولت موجود ہوگی جس کے بعد انہیں بذریعہ شٹل ایکسپو سینٹر لایا جائے گا اور پھر یہاں سے دوسری بس میں سٹیڈیم پہنچیں گے۔دوسری جانب ڈسٹرکٹ ایسٹ اور ملیر کے رہائشی غریب نواز فٹبال گرانڈ نزد ملینئیم مال کے قریب اپنی گاڑی پارک کرسکیں گے جس کے بعد انہیں بحریہ یونیورسٹی سے بذریعہ شٹل سٹیڈیم لایا جائے گا۔کورنگی، ڈیفنس اور شہر سے آنے والے رہائشی براستہ شاہراہ فیصل اور پھر شارع قائدین سے اللہ والی چورنگی کے بعد سوسائٹی سگنل سے پیپلز سیکریٹریٹ چورنگی سے یونیورسٹی روڈ ہوتے ہوئے ایکسپو سینٹر کے گیٹ نمبر 1 پر گاڑی کھڑی کر کے تلاشی دے کر گیٹ نمبر 2 سے سٹیڈیم جا سکیں گے۔شاہراہ فیصل، ڈرگ روڈ، راشد مہناس روڈ اور نیپا سے یونیورسٹی روڈ سے آنے والے تمام افراد بھی اپنی گاڑیاں ایکسپو سینٹر گیٹ نمبر 1 پر کھڑی کرسکیں گے۔شاہراہ فیصل سے کارساز جانے والے براستہ سرشاہ سلیمان روڈ کے ذریعے اپنی منزل تک پہنچ سکیں گے۔کارساز، ڈرگ روڈ، شاہرہ فیصل سے بائیں جانب راشد منہاس روڈ، ملینیئم مال سے نیپا اور ائیرپورٹ سے آنے والے حضرات بھی ڈرگ روڈ سے راشد منہاس نیپا والا راستہ اختیار کرسکتے ہیں۔

راشد منہاس روڈ سے ڈالمیا جانے والی سڑک پر گاڑیوں کو جانے کی اجازت نہیں ہوگی، اسی طرح نیپا ، عسکری IV، ڈرگ روڈ سے شارع فیصل یا ملینیم ، نیپا سے صفورا یا گلشن چورنگی سے سہراب گوٹھ کا راستہ اختیار کر سکتے ہیں ۔یونیورسٹی روڈ سے نیو ٹان سٹیڈیم روڈ کے موڑ سے عام پبلک کو جانے کی اجازت نہیں ہوگی، متبادل روٹ کے تحت جیل چورنگی سے شہید ملت یا پیپلز سیکریٹریٹ چورنگی کا راستہ اختیار کیا جاسکتا ہے۔ٹریفک پولیس نے آغا خان ہسپتال اور لیاقت نیشنل ہسپتال آنے والے حضرات سے اپیل کی ہے کہ وہ نیو ٹان تھانہ کی طرف سے آئیں وہاں موجود ٹریفک پولیس کا عملہ مکمل رہنمائی اور تعاون کے لیے موجود ہوگا۔یونیورسٹی روڈ، شہید ملت روڈ اور راشد منہاس روڈ ٹریفک کے لیے کھلے رہیں گے۔ ضلع وسطی،شرقی،ملیر،ضلع جنوبی اور ضلع غربی کے رہائشی لیاری ایکسپریس وے کے دونوں جانب استعمال کرسکتے ہیں۔

اسی طرح ٹریفک پولیس نے بھاری ٹریفک کے حوالے سے بھی انتظامات کیے جن کے مطابق سہراب گوٹھ سے نیپا، لیاقت آباد نمبر 10 سے حسن سکوائر اور پیپلزسیکریٹریٹ چورنگی سے یونیورسٹ روڈ پر ہیوی ٹریفک کا داخلہ بالکل بند ہوگا۔کراچی ٹریفک پولیس نے عوام سے گزارش ہے کہ وہ زحمت و پریشانی سے بچنے کیلئے قانون نافذ کرنے والے اداروں اور ٹریفک پولیس سے مکمل تعاون کریں اور بالخصوص اپنی گاڑیوں /موٹر سائیکلوں کو کسی سروس روڈ یا مین روڈ پر کھڑی نہ کریں بلکہ دئیے گئے پارکنگ مقامات پر ہی پارک کریں ۔سٹیڈیم جانے والے شائقین کو ٹکٹ کے ساتھ اصل شناختی کارڈ بھی رکھنا ہوگا بصورت دیگر انہیں شٹل سروس میں داخلے کی اجازت نہیں دی جائے گی۔ٹریفک پولیس نے شہریوں سے اپیل کی ہے کہ وہ کسی بھی پریشانی کی صورت میں مددگار نمبر 1915 اور واٹس ایپ نمبر 03059266907 پر رابطہ کر کے اپ ڈیٹ حاصل کرسکتے ہیں۔یاد رہے کہ کراچی کے نیشنل سٹیڈیم میں کھیلے جانے والے ان میچز میں پاکستان کے مایہ ناز کھلاڑیوں سمیت نامور غیر ملکی کھلاڑی حصہ لیں گے ۔

مزید :

کھیل -