اشرف غنی اپنے اقتدار کی خاطر خطے کا امن داؤ پر نہ لگائیں

جمعیت علماء پاکستان کے مرکزی سیکریٹری جنرل شاہ اویس نورانی نے کہا ہے کہ افغان امن عمل میں رکاوٹیں پیدا کرنے والی قوتیں امن دشمنی کا مظاہرہ کر رہی ہیں۔ اشرف غنی اپنے اقتدار کی خاطر خطے کا امن داؤ پر نہ لگائے۔ ایشو آف دی ڈے میں اظہار خیال کرتے ہوئے ان کا کہنا تھا کہ امریکہ کو چاہئے کہ وہ اشرف غنی پر اپنے دباؤ کو بڑھائے اور اس معاہدے پر ہر صورت اور ہر قیمت پر عمل درآمد کروائے ان لوگوں پر نظر رکھنا ہو گی جواس معاہدے کے تکمیل کی راہ میں روڑے اٹکا رہے ہیں ایسے لوگ نہیں چاہتے کہ خطے میں امن قائم ہو لہذا ضرورت اس امر کی ہے کہ ایسے سازشی عناصر کا ڈٹ کر مقابلہ کیا جائے اور ان کی سازشوں کو بھی ملکر ناکام بنایا جائے۔
شاہ اویس نورانی