پاکستانی خاتون کو ہپناٹائز کر کے اس کے ساتھ جنسی زیادتی، پریشان کن تفصیلات سامنے آگئیں
کراچی(مانیٹرنگ ڈیسک) کراچی میں خاتون کے اغواءاور جنسی زیادتی کی ایک ہولناک خبر سامنے آئی ہے جس میں ملزمان نے ایسا طریقہ استعمال کیا کہ ہر سننے والا پریشان ہو جائے۔ نجی ٹی وی چینل جیو نیوز کے مطابق اس خاتون کو اغواءکرنے کے بعدایک گھر میں لیجایا گیا اور وہاں پہلے اسے ہپناٹائز کیا گیا اور پھر اسے جنسی و جسمانی تشدد کا نشانہ بنایا گیا۔ خاتون نے پولیس کو بتایا کہ وہ گلزار حجری کے علاقے میں واقع پنجاب بس اڈے پر کھڑی بس کا انتظار کر رہی تھی جب ایک کار اس کے سامنے آ کر رکی۔ اس میں دو مرد سوار تھے۔ وہ باہر نکل کر خاتون کے پاس آئے اور اسے زبردستی کار میں بٹھا لیا۔
خاتون نے بتایا کہ ”کار میں پہلے سے ایک بے ہوش خاتون موجود تھی۔ ملزمان نے اس خاتون کو وہیں بس اڈے پر پھینک دیا۔ وہ مجھے اسی علاقے میں واقع ایک گھر میں لے گئے۔ جونہی گھر میں گاڑی داخل ہوئی اور مجھے گاڑی سے نکالا گیا تو گھر کا دروازہ کھولنے والے تیسرے مرد نے میری آنکھوں میں دیکھا اور میرے چہرے پر کوئی چیز پھینکی جس سے میں اسی لمحے حواس کھو بیٹھی۔ اس کے بعد اسی شخص نے مجھے بری طرح پیٹا اور پھر میرے ساتھ کئی بار جنسی زیادتی کی۔“
خاتون کا کہنا تھا کہ ”وہ تیسرا مرد مجھ سے زیادتی کرتا رہا اور باقی ملزمان اس دوران ویڈیو بناتے رہے۔شام سات بجے وہی مرد اکیلا مجھے پرہجوم جگہ پر چھوڑ کر چلا گیا جہاں سے میں نے اپنی بہن کو فون کیا۔“ پولیس نے خاتون کی نشاندہی پر اس اپارٹمنٹ پر چھاپہ مارا تو ملزم عمارت کے پائپ کے ذریعے اتر کر فرار ہونے میں کامیاب ہو گیا۔
