اعتماد کا ووٹ ملنے کے بعد سابق اور موجودہ قومی کرکٹرز بھی کھل کر عمران خان کی حمایت میں سامنے آگئے

اعتماد کا ووٹ ملنے کے بعد سابق اور موجودہ قومی کرکٹرز بھی کھل کر عمران خان کی ...
اعتماد کا ووٹ ملنے کے بعد سابق اور موجودہ قومی کرکٹرز بھی کھل کر عمران خان کی حمایت میں سامنے آگئے

  

اسلام آباد(ڈیلی پاکستان آن لائن)قومی اسمبلی سے اعتماد کا ووٹ ملنے کے بعد سوشل میڈیا  پر سابق اور موجودہ قومی کرکٹرز کی جانب سے  بھی وزیراعظم عمران خان  کی کھل کر حمایت کی گئی، کھلاڑیوں نے اس موقع پر عمران خان کو مبارک باد بھی پیش کی۔

معروف قومی فاسٹ باؤلر اور پاکستانی ٹیم کے باؤلنگ کوچ وقار یونس نے  عمران خان کے حق میں دو ٹویٹس کیں جن میں انکا کہنا تھا کہ  عمران خان سے محبت کی وجہ  انکی ایمانداری اور کبھی ہمت نہ ہارنا ہے.

دوسری ٹویٹ میں انکا کہنا تھا شیر دوبارہ گرج رہا ہے،کپتان آپکو مبارک ہو.

قومی ٹیم کے آل راونڈر محمد حفیظ نے بھی عمران خان کو مبارک دی انکا کہنا تھا کہ  ’ماسٹر سٹروک‘ انہوں نے اپنی ٹویٹ میں  ووٹ آف کانفیڈینس کا ہیش ٹیگ بھی استعمال کیا اور عمران خان کے آفیشل اکاؤنٹ کو ٹیگ بھی کیا۔

سابق قومی کرکٹر یاسر حمید  کا کہنا تھا کہ میں یاسر حمید  ہوں، میرا ووٹ آف کانفیڈینس عمران خان کے لیے ہے۔

مزید :

قومی -