نواز شریف کی جیل حکام کو حوالگی کے وقت مریم نواز کہاں ہونگی؟مریم اورنگزیب نے بتادیا
اسلام آباد (ڈیلی پاکستان آن لائن)مسلم لیگ ن کی رہنما مریم اورنگزیب نے کہاہے کہ مریم نواز گاڑی میں نواز شریف کے ساتھ موجود ہونگی اور آخری حد تک اپنے والد کے ساتھ ہونگی ۔
دنیا نیوز کے مطابق مریم اورنگزیب نے کہاکہ کل مریم نواز نواز شریف سے اظہار یکجہتی جلوس کی قیادت کریں گی ۔ ان کا کہناتھا کہ مریم نواز گاڑی میں نواز شریف کے ساتھ موجود ہونگی اور آخری حد تک اپنے والد کے ساتھ ہونگی ۔ انہوں نے کہا کہ مریم نواز کل اپنے والد کورخصت کریں گی ۔
انہوں نے کہا کہ مریم نواز کل پارٹی کارکنان میں موجود ہونگی اور نواز شریف کوجیل تک رخصت کرنے جائیں گی ، مریم نواز رائیونڈ سے کوٹ لکھپت جیل تک نواز شریف کے ساتھ موجود ہونگی ، حمزہ شہباز بھی نواز شریف کے ساتھ ہونگے ۔
