تحریک انصاف کے رہنما کو نماز کی ادائیگی کے دوران قتل کردیا گیا
جہلم (ڈیلی پاکستان آن لائن) پنجاب کے ضلع جہلم میں حکمران جماعت تحریک انصاف کے مقامی رہنما کو قتل کردیا گیا۔
جہلم کے علاقے دارا پور میں تحریک انصاف کے رہنما لیاقت گوندل کو اس وقت قتل کیا گیا جب وہ اپنے ڈیرے پر نماز ادا کر رہے تھے۔ پولیس نے ان کی لاش کو پوسٹ مارٹم کیلئے سول ہسپتال منتقل کردیا ہے۔
دوسری جانب وفاقی وزیر برائے سائنس اینڈ ٹیکنالوجی فواد چوہدری قتل کی اطلاع ملتے ہی تمام مصروفیات ترک کرکے سول ہسپتال پہنچ گئے۔
ایڈووکیٹ عادل اقبال ملک کے مطابق لیاقت گوندل تحریک انصاف کے ساتھ ساتھ محکمہ تعلیم کی یونین ایپکا کے بھی متحرک رہنما تھے ۔ انہیں یوسف ملک نامی شخص نے ٹوکے کے وار سے نماز کی ادائیگی کے دوران قتل کیا ہے۔ پولیس نے ملزم کو گرفتار کرلیا ہے۔
جہلم/ دارا پور میں پاکستان تحریک انصاف اور محکمہ تعلیم اپیکا کے رہنماء چوہدری لیاقت گوندل کو انکے ڈیرہ پر نماز کی ادائیگی کے دوران یوسف ملک نے ٹوکہ سے قتل کردیا۔
— Adil Iqbal Malik (@786Adiliqbal) May 6, 2020
وفاقی وزیر چوہدری فواد کا فوری ایکشن۔
تمام مصروفیات ترک کرکے سول ہسپتال جہلم پہنچ گئے۔
ملزم گرفتار @JhelumUpdates pic.twitter.com/Hpe3aE2p7e