پی پی 84 میں شکست، تحریک انصاف کے کارکنوں نے وزیراعظم کی ٹاسک فورس کے چیئرمین گل اصغر بگھور پر سوالات اٹھادئیے
خوشاب(ڈیلی پاکستان آن لائن )پاکستان تحریک انصاف کے کارکنوں کی جانب سے پی پی 84 خوشاب کے ضمنی الیکشن میں شکست کی وجہ وزیراعظم عمران خان کے معاون خصوصی گل اصغر خان بگھور کو ٹھہرادیا۔
تحریک انصاف کے کارکنوں کا کہنا ہے کہ گل اصغر خان بگھور وزیراعظم کی ٹاسک فورس برائے قیمتی نوادرات کے چیئرمین ہیں۔پارٹی کی جانب سے ان کو پہلے ٹکٹ دیا گیا جو کہ بعد میں معظم علی خان کو دیدیا گیا جس پر گل اصغر بگھور نے کھلے عام پاکستان مسلم لیگ (ن) کے امیدوار کی سپورٹ کی جس کے باعث پارٹی کو شکست کا سامنا کرنا پڑا۔ گل اصغر بگھور سپورٹ کے بعد جب رزلٹ سامنے آئے تو انہوں نے خوشی سے اپنی یونین کونسل کے رزلٹ بھی شئیر کئیے جس میں تحریک انصاف کو شکست ہوئی تھی ۔ مکمل رزلٹ سامنے آنے کے بعد گل اصغر خان بگھور کی جشن منانے کی ویڈیو بھی سامنے آئی ہے۔
یہ ہیں@BaghoorOfficial.
— Dr Fatima K - PTI (@p4pakipower) May 6, 2021
یہ وزیراعظم عمران خان کے فوکل پرسن برائے قیمتی نوادرات ہیں. یہ نون لیگ کی خوشاب میں کامیابی پر جشن منا رہے ہیں.
یہ اتنے بے غیرت ہیں کہ ابھی تک حکومتی عہدے پر بھی ہیں اور حکومتی امیدوار کی کھلم کھلا مخالفت بھی کی pic.twitter.com/Rkhw8OftBi
