پی ٹی آئی نے 9 مئی کو احتجاج  کا پلان ترتیب دے دیا

پی ٹی آئی نے 9 مئی کو احتجاج  کا پلان ترتیب دے دیا

  IOS Dailypakistan app Android Dailypakistan app

  اسلام آباد(مانیٹرنگ ڈیسک) پاکستان تحریک انصاف (پی ٹی آئی) نے بانی چیئرمین عمران خان کی ہدایت پر9 مئی 2024 کو احتجاج کا پلان ترتیب دیدیا۔سیکریٹری جنرل پی ٹی آئی عمر ایوب کی جانب سے جاری نوٹیفکیشن میں کہا گیا کہ بانی چیئرمین پی ٹی آئی کی ہدایت پر 9 مئی 2024 کو ہر صوبائی اسمبلی کے حلقے میں مقامی قائدین اور ٹکٹ ہولڈرز احتجاج کریں گے اور عہدیداروں کی قیادت میں ریلیاں نکالی جائیں گی۔پی ٹی آئی نے کہا کہ پاکستان تحریک انصاف کے دفاتر میں خصوصی تقاریب منعقد ہوں گی اور پارٹی پرچم لہرائے جائیں گے اور ہر ریلی میں بانی پی ٹی آئی کی تصاویر والے پلے کارڈز آویزاں ہوں گے۔نوٹیفکیشن میں کہا گیا ہے ریلی میں بانی تحریک انصاف کی فوٹو کیساتھ قیدی نمبر 804 نمایاں لکھا جائے گا اور نو مئی کے شہدا کیلئے ریلیوں میں خصوصی دعائیں کی جائیں گی۔

احتجاج پلان

مزید :

صفحہ اول -