ڈیرہ اسماعیل خان، نامعلوم افراد کی فائرنگ، 2 ایف سی اہلکاروں سمیت 3 افراد جاں بحق

    ڈیرہ اسماعیل خان، نامعلوم افراد کی فائرنگ، 2 ایف سی اہلکاروں سمیت 3 افراد ...

  



ڈیرہ اسماعیل خان(این این آئی)کلاچی میں نامعلوم افراد کی فائرنگ سے 2 ایف سی اہلکاروں سمیت 3 افراد جاں بحق ہوگئے۔پولیس حکام کے مطابق ڈیرہ اسماعیل خان کے علاقے کلاچی میں نامعلوم افراد کی فائرنگ سے 2 ایف سی اہلکاروں سمیت 3 افراد جاں بحق اور 2 شدید زخمی ہوگئے، واقعے کی اطلاع ملتے ہی ریسکیو اور فورسز کی ٹیمیں جائے وقوعہ پر پہنچیں اور لاشوں اور زخمیوں کو ڈسٹرکٹ ہسپتال منتقل کیا۔پولیس کے مطابق ایف سی اہلکار رکشے کے ذریعے باچا آباد کے علاقے میں راشن لے کر جارہے تھے کہ انہیں نامعلوم افراد نے گولیوں کا نشانہ بنایا، فائرنگ کی زد میں آکر دونوں اہلکار اور ایک راہگیر موقع پر ہی جاں بحق ہوگئے۔فورسز نے علاقے کو گھیرے میں لے کر آپریشن شروع کردیا ہے، علاقے میں ناکہ بندی بھی کردی گئی، عینی شاہدین سے معلومات و شواہد اکٹھے کرکے ملزمان کی تلاش شروع کردی گئی۔

ڈیرہ اسماعیل خان

مزید : علاقائی