پاکستانیوی کا خشکی سے بحری جہاز کو نشانہ بنانیوالے میزائل کا کامیاب تجربہ 

پاکستانیوی کا خشکی سے بحری جہاز کو نشانہ بنانیوالے میزائل کا کامیاب تجربہ 

  



کراچی (مانیٹرنگ ڈیسک،آئی این پی) پاک بحریہ نے خشکی سے بحری جہاز کو نشانہ بنانے والے میزائل کا کامیاب تجربہ کیا ہے۔ترجمان پاک بحریہ کے مطابق میزائل نے اپنے ہدف کو کامیابی سے نشانہ بنایا۔ پاک بحریہ کے سربراہ ایڈمرل ظفر محمود عباسی نے بھی میزائل فائرنگ کا مشاہدہ کیا اور میزائل تجربے کو کامیاب بنانے پر متعلقہ یونٹس، سائنسدانوں اور انجینئرز کی کاوشوں کو سراہا۔اس موقع پر پاک بحریہ کے سربراہ ایڈمرل ظفر محمود عباسی نے کہا ہے کہ پاک بحریہ کسی بھی قسم کی جارحیت کا بھرپور جواب دینے کی مکمل صلاحیت رکھتی ہے۔سربراہ پاک بحریہ نے کہا کہ پاک بحریہ کے جوان اور آفیسرز ملک کی سمندری سرحدوں اور بحری اثاثوں کے تحفظ کیلئے ہمہ وقت تیار ہیں۔

 میزائل / تجربہ

مزید : صفحہ اول