ٹینس سٹار کم کلسٹرز کا 7 سال بعد بھی کم بیک تاخیر کا شکار

  ٹینس سٹار کم کلسٹرز کا 7 سال بعد بھی کم بیک تاخیر کا شکار

  



لاہور: (مانیٹرنگ ڈیسک) تین بچوں کی ماں، چار گرینڈ سلیم کی فاتح کم کلسٹرز گھٹنے کی انجری سے نجات نہ پا سکیں، سات سال بعد کم بیک مزید تاخیر کا شکار ہو گیا۔برطانوی خبر رساں ادارے کے مطابق بلجین ٹینس سٹار کے پرستاروں کو ان کی واپسی کے لیے ا?ئندہ سال جنوری تک کا انتظار کرنا پڑے گا۔ ٹینس سٹار پلیئرز گھٹنوں میں تکلیف کے باعث یو ایس اوپن 2012ء سے آؤٹ ہیں۔خبر رساں ادارے کے مطابق تین بچوں کی باہمت ماں اور چار گرینڈ سلیم کی چیمپئن ٹینس سٹار نے آئندہ سال جنوری میں کم بیک کرنے کا اعلان کیا تھا جو پھر تاخیر کا شکار ہو گیا ہے۔ٹینس کی مشہور کھلاڑی کم کلسٹرز کا کہنا تھا کہ میں پر امید ہوں کہ ا?ئندہ سال جنوری تک میں مکمل فٹ ہو جاؤں گی اور ٹینس کورٹ میں واپس آ جاؤں گی۔ یہ میرے لیے بہت افسوسناک بات ہے کہ میں جس کھیل سے بہت پیار کرتی ہوں اس سے دور رہوں۔ خبر رساں ادارے کے مطابق کم کلسٹرز نے 2007ء میں پہلی بار ریٹائرمنٹ کا اعلان کیا تھا تاہم اس کے بعد ٹینس سٹار کا کہنا تھا کہ جب میں ماں بنی تو میں نے دیکھا کہ میری طرح کی دیگر کھلاڑی بھی اس وقت کھیلتی ہوئی نظر ا? رہی ہیں، جن میں سرینا ولیمز اور وکٹوریہ آذرنیکا شامل تھیں۔

مزید : کھیل اور کھلاڑی