نوازشریف کو آج شریف میڈیکل کمپلیکس منتقل کیا جائے گا

نوازشریف کو آج شریف میڈیکل کمپلیکس منتقل کیا جائے گا
نوازشریف کو آج شریف میڈیکل کمپلیکس منتقل کیا جائے گا

  



لاہور(ڈیلی پاکستان آن لائن) مسلم لیگ ن کے قائد نوازشریف کو آج سروسز ہسپتال سے شریف میڈیکل کمپلیکس منتقل کیا جائے گا ، شریف میڈیکل کمپلیکس میں انتظامات مکمل کرلئے گئے ہیں۔

تفصیلات کے مطابق سروسز ہسپتال میں زیر علاج سابق وزیراعظم نوازشریف کو گزشتہ روز ڈسچارج کردیا گیا تھا تاہم انہیں شریف میڈیکل کمپلیکس منتقل نہ کیا جاسکا ۔مریم نواز کے روبکار نہ ملنے پر مسلم لیگ ن کے قائد نوازشریف نے گزشتہ رات سروسزہسپتال میں قیام کیا۔ ڈیوٹی جج آج مریم نواز کے مچلکے جمع کر کے روبکار جاری کریں گے۔

یاد رہے کہ پیر کے روزلاہور ہائیکورٹ نے مریم نواز کی چودھری شوگر ملز کیس میں ضمانت منظور کرتے ہوئے 2 کروڑ روپے کے ضمانتی مچلکے اور 7 کروڑ روپے نقد عدالت میں جمع کرانے کا حکم دیا تھا جس کے بعد پاسپورٹ اور سات کروڑ کی رقم ہائی کورٹ میں جمع کروا دی گئی تھی۔

مزید : اہم خبریں /قومی /علاقائی /پنجاب /لاہور