پاکستان کرکٹ ٹیم کی سیمی فائنل تک رسائی کا فیصلہ آج

 ٹی20 ورلڈ کپ کے سپر12مرحلہ کے آخری تین میچ آج کھیلے جارہے ہیں اور یہ تینوں میچز ہی بہت اہمیت کے حامل ہیں جن میں پاکستان کے گروپ میں شامل دو ٹیموں کی سیمی فائنل تک رسائی کا فیصلہ بھی آج ہی ہوجائے گا آج پہلے میچ میں جنوبی افریقہ اور نیدرلینڈز کی ٹیمیں میدان میں اتریں گی جنوبی افریقہ کے اس وقت پانچ پوائنٹس ہیں میچ میں جیتنے جیت کی صورت میں جنوبی افریقہ کی ٹیم اس گروپ میں سیمی فائنل تک رسائی حاصل کرنے والی پہلی ٹیم بن جائے گی جبکہ پاکستان اور بنگلہ دیش کے درمیان دوسرا اہم میچ ہوگا یہ میچ پاکستان کرکٹ ٹیم کے لئے بہت اہمیت کاحامل ہے اس میچ میں کامیابی کی صورت میں پاکستان کے لئے سیمی فائنل تک رسائی کا موقع موجود ہوگالیکن اس کے لئے آج کھیلنے جانے والے آخری میچ میں بھارت کو بھی زمبابوے سے شکست کا سامنا کرنا ضروری ہے کیونکہ اگر بھارت کی ٹیم نے زمبابوے سے میچ جیت لیا تو اس کے آٹھ پوائنٹس ہوجائیں گے او روہ سیمی فائنل تک رسائی حاصل کرنے میں کامیاب ہوجائے گی جبکہ جنوبی افریقہ کے اس وقت پانچ جبکہ پاکستان کے چار پوائنٹس ہیں اس لئے پاکستان کرکٹ ٹیم کے لئے سیمی فائنل تک رسائی مشکل ضرور ہے لیکن ناممکن ضرور ہے کرکٹ میں کچھ بھی کسی بھی وقت ہوسکتا ہے اور ممکن ہے کہ نیدر لینڈز کی ٹیم جنوبی افریقہ کو اپ سیٹ شکست دے آج کے میچوں میں بارش کی بھی پیش گوئی کی گئی ہے جس سے پاکستان کرکٹ ٹیم کو فائدہ حاصل ہوسکتا ہے دوسری جانب اب تک جن ٹیموں نے سیمی فائنل تک رسائی حاصل کی ہے ان میں انگلینڈ اور نیوزی لینڈ کی ٹیمیں شامل ہیں جبکہ ایونٹ کی دفاعی چیمپئن آسٹریلیا بھی ایونٹ سے باہر ہوچکی ہے جو آسٹریلوی شائقین کرکٹ کے لئے یقینی طور پر بہت مایوسی کی بات ہے کیونکہ ٹی ٹونٹی کی تاریخ میں شائد یہ پہلا موقع ہے جب آسٹریلیا سیمی فائنل تک بھی نہیں پہنچا ہے آسٹریلیا میں مقیم پاکستانی شائقین کرکٹ بھی پاکستانی ٹیم کی سیمی فائنل تک رسائی کے لئے دعاؤں میں مصروف ہیں۔