انوراگ ٹھا کرے بارڈر جا کر سر جری کریں، ہمیں بھی بھارت کیساتھ نہیں کھیلنا، عثمان واہلہ

انوراگ ٹھا کرے بارڈر جا کر سر جری کریں، ہمیں بھی بھارت کیساتھ نہیں کھیلنا، ...

(آن لائن)بی سی سی آئی کے صدر انوراگ ٹھاکر نے آئندہ آئی سی سی چمپیئنز ٹرافی میں نہ کھیلنے کی دھمکی دی ہے، جس پر پاکستان کرکٹ بورڈ کے آفیشل عثمان واہلہ کا کہنا ہے انوراگ ٹھاکر بارڈر پر جاکر سرجری کریں، ہمیں بھی بھارت کے ساتھ نہیں کھیلنا ہے۔بھارتی میڈیا کے مطابق بی سی سی آئی کے صدر انوراگ ٹھاکر کا کہنا تھا کہ موجودہ صورت حال میں پاکستان کے ساتھ کرکٹ نہیں کھیلیں گے۔بی سی سی آئی کے صدر نے کہا کہ پاکستان کے کرکٹر میڈیا پر آکر بھارت کے خلاف بات کرتے ہیں۔اگر امریکا اور روس اولمپکس کا بائیکاٹ کرسکتے ہیں ،تو بھارت بھی آئندہ سال آئی سی سی چمپیئنز ٹرافی میں پاکستان کے خلاف کھیلنے سے انکار کرسکتا ہے۔بی سی سی آئی کے صدر کو پاکستان کرکٹ بورڈ کے آفیشل عثمان واہلہ نے جواب دیتے ہوئے کہا کہ اگر بھارت پاکستان کے ساتھ نہیں کھیلنا چاہتا تو ہم بھی بھارت کے ساتھ نہیں کھیلنا چاہتے۔انہوں نے انوراگ ٹھاکر کو مشورہ دیا ہے کہ وہ بارڈر پر جاکر سرجری کی کوششیں کریں۔

مزید : کھیل اور کھلاڑی