اسحاق ڈار نے امریکہ کا دورہ منسوخ کردیا
اسلام آباد (مانیٹرنگ ڈیسک )وفاقی وزیر خزانہ اسحاق ڈار نے ملکی صورتحال کی پیش نظر امریکہ کا دورہ منسوخ کردیا ۔نجی نیوز چینل ایکسپریس نیوز کے مطابق اسحاق ڈار نے امریکہ کا دورہ منسوخ کر دیا ہے جہاں انہوں نے عالمی بینک اور آئی ایم ایف کے اہم اجلاسوں میں شرکت کرنی تھی ۔انہوں نے پاک بھارت کشیدہ صورتحال کو مد نظر رکھتے ہوئے اپنا دورہ منسوخ کیا ۔یہاں یہ امر بھی قابل ذکر ہے کہ پاک بھارت کشیدگی کے دوران ہی وزیراعظم اقوام متحدہ کی جنرل اسمبلی کے اجلاس میں شرکت کیلئے امریکہ کا دورہ کرچکے ہیں لیکن اب وزیرخزانہ نے منسوخ کردیا۔