ٹی وی اینکر غریدہ فاروقی کی شکایت پروزیر مملکت زرتاج گل کیخلاف مقدمہ درج

ٹی وی اینکر غریدہ فاروقی کی شکایت پروزیر مملکت زرتاج گل کیخلاف مقدمہ درج
ٹی وی اینکر غریدہ فاروقی کی شکایت پروزیر مملکت زرتاج گل کیخلاف مقدمہ درج

  

اسلام آباد(ڈیلی پاکستان آن لائن)وفاقی تحقیقاتی ادارے ایف آئی اے کے سائبر کرائم ونگ نے تحریک انصاف کی خاتون وزیر مملکت زرتاج گل کےخلاف مقدمہ درج کیا ہے۔ مقدمہ ٹی وی اینکر غریدہ فاروقی کی شکایت پر درج کیا گیا ہے۔

ایف آئی آر کے مطابق غریدہ فاروقی نے28 مارچ کو شکایت درج کرائی تھی کہ تحریک انصاف سے وابستہ سوشل میڈیا ایکٹیوسٹ زرتاج گل نے ایک ویڈیو ریکارڈ کر کے ٹویٹ کی ہے جس میں الزام لگایا ہے کہ اینکر غریدہ فاروقی نے شہباز شریف سے شادی کی ہے اور اب اس کی مرضی کے بغیر کوئی شخص وزیراعلیٰ پنجاب سے ملاقات نہیں کر سکتا جبکہ وہ ان کے بنگلے میں بھی منتقل ہو چکی ہیں۔

ایف آئی آر کے مطابق شکایت پر انکوائری کرائی گئی تو یہ ویڈیو موجود تھی اور اس کو اینکر اسد کھرل کی ویب سائٹس تہلکہ نیوز اور تہلکہ ٹی وی نے بھی سوشل میڈیا پر وائرل کیا تھا۔

دونوں افراد کے بیان ریکارڈ کئے گئے جس کے بعد اسد کھرل کی سائٹ چلانے والے عمر فاروق نے بتایا کہ ویڈیو اس نے جنوری2018 میں اپلوڈ کی تھی جس کو بعد میں انعم شہزادی نے ہٹا دیا۔

مزید : قومی /علاقائی /اسلام آباد /اہم خبریں