شہباز گل نے معافی نہ مانگی تو انکے گھر کا گھیراؤ کریں گے، عطاتارڑ

شہباز گل نے معافی نہ مانگی تو انکے گھر کا گھیراؤ کریں گے، عطاتارڑ

  

لاہور(جنرل رپورٹر)مسلم لیگ نون کے رہنما عطا تارڑ نے دھمکی دی ہے کہ شہباز گل نے معافی نہ مانگی تو ان کے گھر کا گھیراؤ کریں گے، معاون خصوصی غداری کے سرٹیفکیٹ دینا بند کریں، کیا چیز آپ کو مناظرے سے روک رہی ہے، جہانگیر ترین اور خسرو بختیار کو این آر او دیا گیا۔وہ گزشتہ روز صحافیوں سے گفتگو کر رہے تھے عطا تارڑ نے کہا نیب نیازی گٹھ جوڑ کے سارے کرداروں سے واقف ہیں، لیگی رہنماؤں پر نیب کے ذریعے دباؤ ڈالا جا رہا ہے، اثاثہ جات کیس میں ایک دھیلے کی کرپشن نہیں، شہزاد صاحب ہم آپ کو ملک سے بھاگنے نہیں دیں گے، شہباز گل بیرون ملک سے تنخواہ وصول کر رہے ہیں۔ان کا کہنا تھا کرپشن کا بیانیہ کنٹینر سے شروع کیا گیا، پہلے بھی نواز شریف کی سیاست ختم کرنے کی کوشش کی گئی، ہم پر اشتعال انگیز تقریر کا الزام لگایا گیا، ہم کسی کو غدار ڈکلیئر نہیں کرنا چاہتے۔ انہوں نے کہا وزیراعظم ڈھائی سال سے اپنے حلقے میں نہیں گئے، فارن فنڈنگ کیس کا جواب کیوں نہیں دیا جاتا؟ اخلاقیات کا سرٹیفکیٹ لینا ہو تو شہباز گل، فیاض چوہان سے رابطہ کریں۔

عطاتارڑ

مزید :

صفحہ آخر -