جناح اسپتال کراچی کا ہیلی پیڈ ایئر ایمبولینس کے لیے بحال

      جناح اسپتال کراچی کا ہیلی پیڈ ایئر ایمبولینس کے لیے بحال

  

کراچی(اسٹاف رپورٹر)جناح اسپتال کراچی کا ہیلی پیڈ 20سالوں بعد ایئر ایمبولینس کے لیے بحال کردیا گیا ہے، سندھ حکومت کے ہیلی کاپٹر نے جناح اسپتال کے ہیلی پیڈ پر لینڈنگ کی۔ سربراہ جناح اسپتال ڈاکٹر سیمی جمالی نے اس ضمن میں بتایاکہ ملک کے دور دراز علاقوں سے شدید زخمی اور بیمار مریضوں کی آمدورفت کی راہ ہموار ہوگئی ہے۔سربراہ جناح اسپتال ڈاکٹر سیمی جمالی کے مطابق جناح اسپتال کراچی میں ایئر ایمبولینس کے لیے ہیلی پیڈ فعال کردیا ہے، دو دہائیوں کے بعد سندھ حکومت کا ایک ہیلی کاپٹر جناح پوسٹ گریجویٹ میڈیکل سینٹر میں تعمیر شدہ ہیلی پیڈ پر اترا ہے۔ملک کے دور دراز علاقوں سے شدید زخمی اور بیمار مریضوں کی آمدورفت کی راہ ہموار ہوگئی ہے، سرکاری اور نجی ہوائی ایمبولینس کے ذریعے مریض لائے جاسکتے ہیں۔سربراہ جناح اسپتال کے مطابق سول ایوی ایشن اتھارٹی لینڈنگ کے لئے جے پی ایم سی کو سرٹیفکیٹ دے چکے ہیں، ہیلی کاپٹر ایمبولینسں 1990 کی دہائی میں مریضوں کو جے پی ایم سی میں لاتی تھی۔ہیلی پیڈ کی حالت خراب ہونے پر طویل عرصے تک ہیلی کاپٹر کی پروازیں بند تھیں، تاہم اب ملک کے کسی بھی علاقے سے چند گھنٹوں میں مریض جے پی ایم سی لایا جاسکتا ہے۔

مزید :

صفحہ آخر -