کورونا میں مبتلا ٹرمپ ہسپتال سے باہر نکل آئے،کچھ دیر بعد واپسی

کورونا میں مبتلا ٹرمپ ہسپتال سے باہر نکل آئے،کچھ دیر بعد واپسی

  

واشنگٹن(این این آئی)کورونا بیماری میں مبتلا امریکا کے صدر ڈونلڈ ٹرمپ ہسپتال سے باہر نکل آئے۔ ماسک پہنے ٹرمپ نے حامیوں کو دیکھ کر گاڑی میں بیٹھے بیٹھے ہاتھ ہلایا، ٹرمپ کچھ دیر بعد واپس اسپتال میں چلے گئے۔غیرملکی خبررساں ادارے کے مطابق گاڑی میں بیٹھ کر حامیوں کے پاس جانے سے پہلے ٹرمپ نے سوشل میڈیا پر اپنی وڈیو بھی جاری کی۔اسپتال سے جاری وڈیو بیان میں ڈونلڈ ٹرمپ نے کہا کہ کورونا سے متعلق بہت کچھ سیکھا ہے، جس طرح اسکول میں سیکھتے ہیں۔انہوں نے کہا کہ وہ والٹرریڈ اسپتال کے ڈاکٹرز اور طبی عملے کی جانب سے بہتر خیال رکھنے پر شکر گزار ہیں۔اس سے قبل وائٹ ہاوس کی میڈیکل ٹیم نے امریکی صدر کی طبیعت سے متعلق بریفنگ میں بتایا تھا کہ صدر ٹرمپ کی طبیعت میں مسلسل بہتری آرہی ہے، ٹرمپ کو جمعہ کی صبح سے اب تک بخار نہیں ہوا۔ جگر اور گردے بالکل ٹھیک کام کر رہے ہیں۔

ٹرمپ

مزید :

صفحہ اول -