گئے برس کی یہی بات یادگار رہی | شبنم شکیل |
گئے برس کی یہی بات یادگار رہی
فضا غموں کے لیے خوب سازگار رہی
اگرچہ فیصلہ ہر بار اپنے حق میں ہوا
سزائے جرم بہرحال بر قرار رہی
بدلتی دیکھیں وفاداریاں بھی وقت کے ساتھ
وفا جہاں کے لیے ایک کاروبار رہی
اب اپنی ذات سے بھی اعتماد ان کا اٹھا
وہ جن کی بات کبھی حرفِ اعتبار رہی
خبر تھی گو اسے اب معجزے نہیں ہوتے
حیات پھر بھی مگر محوِ انتظار رہی
نہ کوئی حرفِ ملامت نہ کوئی کلمۂ خیر
یہ زیست اب نہ کسی کی بھی زیرِ بار رہی
یہ اور بات کہ دل غم میں خود کفیل ہوا
مگر وہ آنکھ مرے غم میں اشک بار رہی
شاعرہ: شبنم شکیل
(مجموعۂ کلام: شب زاد؛سالِ اشاعت،1987 )
Gaey Barass Ki Yahi Baat Yaadgaar Rahi
Fazaa Ghamon K Liay Khoob Saazgaar Rahi
Agarcheh Faisla Har Baar Apnay Haq Men Hua
Sazaa-e-Jurm Baharhaal Barqaraar Rahi
Badalti Dekheen Wafa Dariyaan Bhi Waqt K Saath
Wafa Jahan K Liay Ik Karobraar Rahi
Ab Apni Zaat Say Bhi Aitmaad Un Ka Utha
Wo Jin Ki Baat Kabhi Harf-e-Aitbraar Rahi
Khabar Thi Go Usay Ab Mojazay Nahen Hotay
Hayaat Phir Bhi Magar Mehv-e-Intazraar Rahi
Na Koi Harf-e-Malaamat Na Koi Kalma-e- Khair
Yeh Zeest Ab Na Kisi Ki Bhi Zer-e-Braar Rahi
Yeh Aor Baat Keh Dil Gham Men Khud Kafeel Hua
Magar Wo Aaankh Miray Gham Men Ashkbaar Rahi
Poetess: Shabnam Shakeel